YUNUS 1:16 - Nanduk Ngget Tul Pidnak Wene

¹⁶ Nde, koma iri na waruk nugwi nap ereba na-ge Nagawan Indo indi aye kwarat kagolar-e, it ereba na yi koma eyak pem wok yogolar-e, Nagawan Indo amanggim wam wosa kan pogolat, Nagawan Indo imin-e ’Iri nggal kwarul-o” luk, kwarat urul piga-o.

YUNUS 1:16 Iomraidhean Croise

NDAK WIRIDNAK WENE 28:20

Iri luk Yakup-nen owak mbarosolar-e: ”Nagawan Indo-nen nde an tu yu mborosola, yongga norosolat, kurak nuburuk mborosolat, nunggwi mende min an yururak nusum min yongga norosola,

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

2 NAGAWAN NAGAWAN-NEN KWARIDNAK WENE 5:17

Keya bosoloma, Naman-nen Elisa yak tosolar-e: ”Nab-o. Kat-nen nde an-nen wok kirigi mende keya bosola-ge, an-nen-e o ya-nen tel korosolar-e, kugwiwak amanggim wam wosa pigit lak, Nagawan Indo amanggim nak peyek-nen kelerai wam mberen-nen nggweyak waruk mboroso ndak ndak nggweyak mbi waruk mbururag-e nunggwirig-o?

NDAWI ENGGA 107:22

It-nen at wiwa-o yak togolar-e, at amanggim pugwi mende pogolat, at-nen kwat onposo-ge enalen kagolat-nen yugwi ndawi bem wigarurag-e ndak-net yusu-o.

NDAWI ENGGA 116:14

At ilirak oboksa enlengen pem-et an-nen at imin ”Iniksa wok kirimin-o” luk urul yak tigi iri na-ge kwarimin-o.

NDANIEL 6:26

Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

YUNUS 1:10

Iri yosoluk yarig-e, ”An-e Nagawan Indo aye-nen lobok yigirig-o” luk wene iri na mbenasa yak indij-o. Yak ondosola, wene iri na kulurug-e, koma iri na waruk nugwi nab-e ebem lud kwiye kwarat yiga-o. Iri luk, it-nen at yak togolar-e: ”Iri kwarigen iri-ge ndemeret meya-t kwarigenma-o!” luk yak tiga-o.

YUNUS 1:14

Iri ala karuk, it-nen enne nggoksa Nagawan Indo emengen mbarogolar-e: ”Nagawan Indo wa-e. Ap nit ninmin meya marig-er-o luk tet kwarigit lak yu mberak pul yu bem-e kat-nen-e nir-e lak tak nunpurak pug-o luk nggi yak kitli-o. Nagawan Indo wa-e. Kat-nen-e kat kindi-n pidnak irit kwarigen-o” luk yiga-o.

MARAKUS 4:31

Mbal Pem Nagawan-nen tenagaidnak wi iri-ge sawi uwi nggal-nen yusu-o. Yi uwi ndi uwi oboksa uwi marig-et worasu-t nde, sawi uwi iri-ge mondok marik komosa-nen yusu-o. Nde, ap-nen sawi uwi iri na nggweyak pem yagosoma-ge,

YIDNAK YIDNAK WENE 5:11

Iri yidnak wene kulidnak nap oboksa min Yesus-nen lambuk tak inpidnak nap pidsa min kwiye kwarat kagolat woraiga-o.

WENE MBENARUGWI NAP-NEN KWARIDNAK WENE 13:16

Alat nde, Nagawan Indo-nen idnak aid nap iri na-nen yosolar-e: ”An-e yu me-t yik keneyarok woramin-et nde, kit-nen mak nurugup iri-ge namin pug-o. Alat nde, kit-nen nde saga purak yogolar-e, Nagawan Indo amanggim kan purag-o” luk yak tij-o. Alat nde, Manoa-nen-e yu-ge Nagawan Indo-nen idnak aid nap-nen yusu-o luk kabak irit woragij-o. Kabak iri-nen ndowaga Manoa-nen Nagawan Indo-nen idnak aid nap iri na yak tosolar-e: ”Iri ala-ge, kat-nen urul yak nirigen ereba kwat yosola, kat kunu kek tak peyek-nen kunu yak niri-o” luk yak tij-o.