PILIPI 4:9 - Nanduk Ngget Tul Pidnak Wene

⁹ An-nen mirik konposola kenaru yigep wene min nggomo kindigi wene min an-nen yosola kuligep wene min an-nen kwarosola kaigep mende min-e iri nak kwarogolat woragup na-e. Iri kwarogola-ge, lambuksa woragwi elem Mbal Pem Nagawan-e kit kinmin wolma-o.

PILIPI 4:9 Iomraidhean Croise

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 8:10

”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 7:21

”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

LUKAS 8:21

Yak tosoloma-ge, Yesus-nen it pidsa yak ondosolar-e: ”Mbal Pem Nagawan-nen yidnak wene kuluruk, kulidnak iri ndak ndak kwatli nab-e an niya min nowosirak min-nen yili-o” luk yij-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

YOANES 2:5

Yak tosoloma-ge, Yesus ija-nen ndegel unpugwi nap na yak ondosolar-e: ”At-nen: ’Iri kwarer-o’ yak kunduwa mende-ge irit kwarugup na-e” luk yak indij-o.

YIDNAK YIDNAK WENE 9:6

Alat nde, kar-e menluk, o siri iri me mbiri-o. Mondok kat-nen kwarurak mende-ge yak kuruwa-o” luk yij-o.

OROMA 15:33

Ap lambuk tak onposo elem Mbal Pem Nagawan iri-nen-e kit oboksa kinmin wolmag-o. Amen.

OROMA 16:20

Nde, lambuk tak onposo elem Mbal Pem Nagawan-nen-e ndaget nak kit kunuwok ma Sere iri na yigisa keya buwa-o. Nenagawan Indo Yesus-nen we wok ondoso elem-e kit kinmin wolmag-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

1 KORINTUS 14:33

Mbal Pem Nagawan-e nari wari yurak iri perasu bug-o. Are, kona yamuksa wolmomtak nak peraso-o. Nde, lambuk tak inpidnak marak nap pidsa ennggendumu-nen kwatli nggal,

1 KORINTUS 4:16

Iri bem-e, an-nen kwaroso nggal irit kwarobog-o luk nggomo kundusu-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

PILIPI 3:17

Nowe nowosi wa-e. Kit pidsa-ge an-nen kwaroso nggal-et kwarogolat wolmer-o. Kit na iri nggal-et kwarobokluk, nit-nen kwarogolat woragwi iri nggal kwatli nab-e kwara lombot pogolat wolmer-o.

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

1 TESALONIKA 1:6

Kir-e nit min Nagawan Indo min-nen kwarugwi nggal kwat yigeb-o. Nde, kit kenpem angin worak mende kwarat mbij-et nde, aid wene iri wanogolar-e, Konak Indi-nen wok ondoso enalen iri na bem-net wanigeb-o.

1 TESALONIKA 2:14

Nanggamirak wa-e. Mbal Pem Nagawan-nen idnak lambuk tak inpidnak nap, Kerisut Yesus arengge Yurea woragwi nap iri na kwat inpiga nggal, kit na iri nggal-et kwat kinpiga-o. It enlem Yawuri nap-nen it andi bandi rak inpiga nggal, kit na kenma nap-net iri nggal-et andi bandi rak kinpiga-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TESALONIKA 3:4

Nde, nit-nen yak kindidnak wene-ge yawo na kwatli-o, nde, abok na iri nggal-et kwarogolat wolma-o luk Nagawan Indo ebem ala, ninndi-ge kit kenpem mbung mbung tak worali-o.

2 TIMOTIUS 4:22

Nagawan Indo-ge kat kindi imin wolmag-o. Nde, Mbal Pem Nagawan-nen we wok ondoso elem-e kit pidsa kinmin wolmag-o.

YAKOBUS 1:22

Nde, kit-nen aid wene iri-ge kulurak nag-e lag-o. Kuluruk, kulidnak iri ndak ndag-et kwarurag-o. Nde, kit-nen iri nggal kwarigit lak yogolar-e, kenambikpebe konmbol pem lali-o.

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.

1 YOANES 3:22

Nit-nen-e at-nen yidnak yidnak nak kwarogolat, at-nen peraso mende nak kwarogola-ge, at ebem nggi yul mende pidsa wok nunduwa-o.