PILIPI 4:8 - Nanduk Ngget Tul Pidnak Wene

⁸ Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

PILIPI 4:8 Iomraidhean Croise

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

2 SEMUEL 1:23

Nde, Saul min Yonatan min-e mondok konak nak kwarogola, ap-nen inndi kundik-nen yili-o. It enmbereg-e unluk wolmomtak pem-nen na irit, wat momtak pem-nen na irit mondok inndi misiget nak woragwi-o. Towe ud iri-ge ndag-et nak mboroso-t nde, it enmberek-nen mburugwi-ge terak minik-net yusu-o. Singa ndakngge amawi-ge worag-et nde, it enmawi-ge terak minik-net yusu-o.

2 SEMUEL 23:3

Yakup Embal Pem Nagawan-nen wene yij-o. Isarael nap inmiri yoso-nen an yak norosolar-e: ”Ap mot mot pem-et tena unpuruk worasu nagawan, lit unpuruk Mbal Pem Nagawan-nen yidnak yidnak kwaruwa nagawan iri-ge

NGGOMO WENE 20:7

Li marik nde ineidtak-nen nde konak mot mor-et woragola-ge, it inlirag-e enalen worak irit wolma-o.

NGGOMO WENE 31:10

Un worak kwe abage konak, iminep mbarag-e ndag-et kudtag-e meya-o. Kerep abinal worak onggo nggok pugwi iri-ge teberag-et nde, kwe yu nggal-e mondok kek tak-net yusu-o.

NGGOMO WENE 31:29

At un-nen yosolar-e: ”Kweyap erep na konag-e worali-t nde, kat perak nde ereba ennggendumu-nen mondok konak lombok-net yusu-o” luk yoso-o.

NGGOMO WENE 31:31

At-nen konak nak kwaroso ereba na bem kek tak obogolar-e, at iri-ge ap oboksa-nen erembel wanurak kwe-net yusu-o.

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

MARAKUS 6:20

Yoanes na-ge konak lud tak nak kwaroso ala karug-e, Erores-nen Yoanes indi aye-nen-e at imiri yosolat woragaij-o. Nde, Yoanes-nen yidnak wene kolosolug-e, indi nden penden yosolar-et nde, alen min-et at ene kolosolat woragaij-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

LUKAS 2:25

Nde, iri tarem-e ap misik unu-ge Simeon iri-ge Yerusalem woragaij-o. At iri-ge Mbal Pem Nagawan indi aye worak konak nap woralar-e. Mbal Pem Nagawan-nen Isarael nap inmiri yurak iri na yik karok woralar-e, Konak Indi at imin irit woragaij-o.

LUKAS 23:50

Ap mbi unu-ge Yusup irit woragaij-o. At iri-ge Yawuri nap enma Arimatea-nen lobok yidnak nab-o. Ar-e konak nap, lud tak nak kwaroso nap, Mbal Pem Nagawan-nen tenagaidnak wi lobok yuwa-o luk yik karok woraso nap irit woragaij-o. Ar-e wene mbaroso nab-et nde, it-nen wene mbarogolat, it-nen Yesus kwat obogolat kwarogola-ge, ar-e ennggendumu nggwigit lag-o.

YOANES 7:18

Ap misik-nen-e at ondomok indi-n pidnak mul ondoso nab-e at ambik unu kek tak purak kwarusu-o. Alat nde, at wirik ibil lobok yidnak nap unu kek tak purak indingen nap-nen-e at arem-e enesiget wene-ge mondok lak me, mot mot yoso-nen yusu-o.

YIDNAK YIDNAK WENE 10:22

Yak ondosoloma-ge, it-nen yogolar-e: ”Nir-e san winde wari Korenelius eram-nen lobok yige-o. Nde, Korenelius iri-ge mot mot kwaroso nap, Mbal Pem Nagawan aye worak nab-o. Nde, Yawuri nap pidsa-nen erembel wanugwi nab-o. Marak aid nap-nen Korenelius na yak tosolar-e: ’At-nen yak kuruwa wene kolonok-nen an nama lobok yi-o luk Peterus na yonggo bi-o’ luk yak tamu-nen lobok yige-o” luk yiga-o.

YIDNAK YIDNAK WENE 22:12

Nde, imiri mbarak pidnak wene-nen yidnak yidnak kwaroso nap, Mbal Pem Nagawan aye kaso nap misik unu-ge Ananias na iri me worala-ge, Ndamsik woragwi Yawuri nap pidsa-nen unu kek tak pugwi nap irit woragaij-o.

YIDNAK YIDNAK WENE 6:3

Iri bem-e, nowe nowosi wa-e. Kit kennggendumu-nen ap tuju mburu tumburuwakluk lenak onpogolar-e, ab-e entembel wanugwi nab-et, Konak Indi-ge enarem kobong tak woragwi nab-et, inndi worak nap irit lenak enper-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

OROMA 13:3

Nde, konak nak kwarugwi nap-nen-e pemerinta nap enaye kujwa bug-o. Alat nde, meya yugwi nap nak-nen mondok enaye kujwa-o. Pemerinta enaye kagit lak wolmomtak perasolar-e, kar-e mondok konak nak kwarosolat wolmin-o. Iri kwarosola-ge, kerembel wanuwa-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 13:7

Kit meya kwarugup naru, nir-e Mbal Pem Nagawan eram tepan yili-o. Iri yili iri-ge, nir-e ombol nggwe yidnak nap nggal yik niniyujwaklug-e lag-o. Are, nir-e mborok tak pugwi nap nggal tak nonpogola-t nde, kit konak nak kwarobog-o luk-nen yili-o.

2 KORINTUS 6:8

Ap-nen-e nunnu kek tak pogola-nen na, nunnu mbilaro ngin tak pogola-nen na, ninnggiri worogola-nen na, nentembel wanogola-nen na, nenesiget yugwi nap nggal tak nonpogola-t nde, nir-e ndemeret wene nak yugwi-o.

2 KORINTUS 8:18

At imin ibil lobok yogolar-e, nennggam misik, aid wene yak indidnak pem lambuk tak inpidnak nap oboksa-nen at unu kek tak pugwi nap irit nit-nen ibil lobok yili-o.

2 KORINTUS 8:21

Nir-e Nagawan Indo indi aye nak-nen kwatli-ge lag-o. Are, ki nap inndi aye min-et kagolat-nen nir-e mot mot nak kwatli-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

EPESUS 5:9

Yaya iri-nen engen utlud posolar-e, konak nak kwarugwi elem min lud tak nak woragwi elem min ndemeret wene min irit pusu-o.

EPESUS 6:14

Iri bem-e, kir-e tugup lak mendak wolmer-o. Ndemeret wene-ge tani are nggal kunpugulwak pem ngonoksa yutluk, lud tak nak kwarugwi-ge tagun nggal yutluk,

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 TESALONIKA 4:12

Kit nde iri nggal kwarogola-ge, kit kenambik kininggi bem-et woragola-ge, it inndi angin tubu yigit lak nap-nen kit kinmin-e ”Iri-ge mot mot nak kwaroso nab-o” luk kunpurujwa-o.

1 TIMOTIUS 2:2

Nir-e yamuksa wene lak Mbal Pem Nagawan-nen kwaroso nggal konak nak wolmoklug-e, nagawan nagawan min ap yulok nggulok pidsa min enmanggim tepan yogolat wolmer-o.

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

1 TIMOTIUS 3:4

at ama woragwi nap-nen at-nen yidnak nak kwarugwi nap, ilirak-nen at indi aye min-et at ene kuluwakluk onggomo ondoso nap irit mag-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

1 TIMOTIUS 5:2

kweyap inndi worak inmin-e kiyarak nggal tak unpurag-o. Nde, kweyap ndugum inmin-e kindi mondok mbek tak pem-net kiridtak nggal tak unpurag-o.

TITUS 1:8

are, ”Ap sal nama nggumer-o” yoso nap, konak nak kwarurak peraso nap, idi worak nap, mot mor-et kwaroso nap, marak nak woraso nap, at ondomok indi tena woraso nap irit mag-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

TITUS 2:2

Ap indi worak yak ondosolar-e: ”Kir-e kinndi min-et woragolat, kinndi nggat nggat worak woragolat, kondomok kinndi towarak woragolat mer-o. Nde, kinndi angin tubu yidnak pem na, ap enabuwa kagwi bem na kinndi luruk puruk woragwi bem na iminep mbarak irit wolmer-o” luk yak indi-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

IBERANI 11:2

Nde, it inndi angin tubu yidnak pem-net Mbal Pem Nagawan alen-e nit nenlawingga enpem pam-o.

IBERANI 13:18

Nit nenmanggim tepan kundugu wolmer-o. Nir-e pempa konak nak kwat tenak wolmomtak nindingen me, nit-nen yebet kagwi ninndi iri-ge konag-et worasu-o luk perali-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

2 PETERUS 3:1

Nanggamirak kenabuwa worak wa-e. Engga yu-ge mberen pem tak posolat kenmanggim mbara pil lobok yusu-o. Nde, engga mberen yu arem-nen yeberak kunpusu wene iri-nen kit kenarem-e marak woragwi kinndi nam makluk engga ya mbarigi-o.

1 YOANES 3:18

Nilirak wa-e. Nir-e ap enabuwa kagolar-e, we nenemnde bem nak-nen: ”An-e ap enabuwa kaso-o” luk yurag-e meya-o. Are, ndemeret ap enabuwa kagolar-e, nininggi-nen kwarugwi mende bem-net kudtag-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

URUT 3:11

Iri bem-e, Urut wa-e. Kar-e kumud kasu-ge meyog-o. O yu me nap oboksa-nen kar-e mondok kindi worak konak iri-ge enaru-t me, kat-nen yigen iri-ge oboksa kwar-et kibimin-o.