PILIPI 4:5 - Nanduk Ngget Tul Pidnak Wene

⁵ Kir-e yangonak nak kwarugwi nab-o luk ap pidsa-nen enaru yuwag-o. Nde, Nagawan Indo lobok yurag-e panggo yij-o.

PILIPI 4:5 Iomraidhean Croise

MATIUS 6:25

Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

MATIUS 6:34

Iri bem-e, kup-nen kwarurak iri na kunmud kudtak pug-o. Kup-nen kunmud kudtak na ariget worasu-o. Yawo nggal amanggim kunmud kagolar-e, yawo nggal amanggim nak kudtag-o.”

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

1 KORINTUS 6:7

Nde, kit na kit-net wene mbal kerak mbili iri bem-e mondok urugwe nggwe yili-o. Lag-et nde, enne nak-nen watsa kenpem pogola, kenne lak momtag-e meya-a? Kenarengge wanogola, larok momtag-e meya-a?

1 KORINTUS 8:13

Iri bem-e, nunggwi mende iri-nen an nanggam iri are purak ala karuk, an nanggam iri-ge are pimin naru, ino-ge abok na abok na namin pug-o.

1 KORINTUS 9:25

Keyari purak nap-nen-e keyari pogolar-e, iri nggal kwaru-o yidnak iri na ondomok tak lid lud tak pugwi-o. Nde, it iri-ge lak momtak kid kud wanuwokluk nen yili-t nde, nir-e pem wolmomtak kid kud wanuwokluk-nen yili-o.

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 TESALONIKA 2:2

Ap-nen yogolar-e: ”Lag-o. Nagawan Indo lobok yurak Tarem irit kwat agaij-o” luk yogola na, kirimbi yogola na, ”Irit yamu-o” luk nit-nen mbaridnak engga nggal yak kondogola na, kulurug-e, kir-e ndag-et nak wendet luk, kinndi pok yurak pug-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

IBERANI 10:25

Ap erep-nen kwatli nggal, nit-nen-e lambuksa ndok wurugwi tarem ndok wururak pem perari perari rak purak pug-o. Are, Nagawan Indo lobok yurak tarem-e panggo yidnak me, nit na nit-net mondok kwara ninndi eyak wat kerak mbogolat wolmog-o.

IBERANI 10:37

Mbal Pem Nagawan engga mbarak pem-nen yosolar-e: ”We mariget nak worarug-e, Lobok yuwa-o yidnak nab-e lobog-et yuwa-o. Wolma-ge lag-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

NAM PARA WENE 22:20

Wene yeba oboksa kinggiridnak nap-nen yosolar-e: ”Ndemerer! An-e ndag-et nak lobok yimin-o!” luk yij-o. Ndemerer-o! Nagawan Indo Yesus wa-e. Lobok yi-o!

NAM PARA WENE 22:7

Yesus-nen yosolar-e: ”Kwara yebet ker-o. An ndag-et nak lobok yimin-o. Kwat momtak wene urul engga yu arem mbarak worasu yeba karuk, kwara yebet kasu nab-e mondok alen kujwag-o!” luk yij-o.