PILIPI 3:8 - Nanduk Ngget Tul Pidnak Wene

⁸ Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

PILIPI 3:8 Iomraidhean Croise

NDAWI ENGGA 126:6

Ap uwi pil kil mborosolat yip til til mburusu nab-e, o ma lobok yosolar-e, ebe mbaruwa ut nggetlep nggatlep ereba na waruk alen-nen ndawi bem-et lobok yuwa-o.

NDAWI ENGGA 73:25

Aid arem-nen-e an-e ta nggal winde yimin-o? An narengge kat nag-er-o. Nggweyakma yu me-nen-e ta nggal nindi ebem pimin-o? Mondok lag-o, kat kebem nak pimin-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

MALEAKI 2:3

Kit kinlirag-e an-nen angin worak enpem pimin-o. Nde, kit kentare-ge an namanggim wosa kan pugwi ereba na al kela mbo bidnak ereba na bem kentare ndarak puruk, kenpe lesa wam al kela mbo bil mburugwi sa ereba na me mbo kinpil mbirimin-o.

WONARIDNAK WENE 14:30

kir-e nembaga yeba wat yugupmu, konowag-e yeba me-t nggilara mbuwa-o. Kalep min Yosua min it nak o an-nen urul yak kindigi iri na me-ge mburuwa-o. Nde, kit erep erep olengen dua pulu ombol nggwe woraidnak iri-ge nggugup pug-o.

LUKAS 1:43

Noluk-nen an nggal neram-et nde, an-nen idnak Nagawan Indo ija-ge lobok yigen-o?

LUKAS 11:20

Alat nde, an-e Mbal Pem Nagawan amawi bem-net kugi wirik pusu-o. Nde, iri yusu ala-ge, Mbal Pem Nagawan-nen tenagaidnak wi na-ge nendam wok yij-o luk yebet ker-o.

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 14:7

Nde, kit-nen nde an kenaru nggal-nen-e ndemeret an Neid na kenaru yeleb-o. Alat nde, yawo-nen perak at kenaru yogolat, kagolat yili-o” luk yij-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 17:8

Nde, kat-nen nebem pigen wene-ge an-nen it yak ondosola, waniga-o. Wanogolar-e, an-e ndemeret kat keram-nen lobok yidnak irit enaru yogolat, an-e kat wirik nibil lobok yigen-o luk neberali-o.

YOANES 20:13

Eneyasoloma-ge, aid nap na-nen kwe na kin wok obogolar-e: ”Kwe yu-ge wa-e. Kar-e noluk-nen yip tusu-o?” luk yogolikma-ge, kwe na-nen it yak ondosolar-e: ”An Nagawan Indo waga ngge me piga-o? Piga sa an-e kabak alat-nen yip tusu-o!” luk yak indij-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

OROMA 8:18

Nde, an nindi-n perasolar-e, nit yawo andi bandi kali iri-ge marig-o. Nde, abok-nen mirik nunpuwa abinal iri min ndak ndag-e lag-o. Terak minik-net yusu-o.

OROMA 8:39

teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

1 KORINTUS 2:2

An nindi-nen perasolar-e, kit kennggendumu woralar-e, nin wene nan wene pidsa keya buruk, Yesus Kerisut min at e lang pang tak pem wiridnak wene min nak tena woramin-o luk irit peragi-o.

1 KORINTUS 9:10

Are, nit ninmin nde yij-a? Ye, nit nenmanggim engga bem mbarid irir-o. Nggweyak yaloso nap min ebe mbaroso nap min-nen-e: ”Ebe posola, ereb-e namin-er-o” luk-nen nggweyak yalosolat, ebe mbarosolat mag-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

EPESUS 4:13

Iri bem-e, nit pidsa lambuk luk, ninndi angin tubu yidnak pem-nen na, Mbal Pem Nagawan Ambara nenaru yurak pem-nen na, misiget nak irit mul-o. Nir-e ninndi worak luk, irit tit irit tit Kerisut iminep mbarak nggal nit na iminep mbal yul-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

PILIPI 3:10

An nindingen kaso mende-ge yu-o: Kerisut na naru yosolat, at uruk yidnak amawi iri na naru yosolat, at andi bandi kagaid nggal an na andi bandi kasolat, at wat yid nggal an na iri nggal wat yosolat yurag-e nindingen-o.

PILIPI 3:12

”An-e iri mende ludsa-t wanigi-o” luk, ”An-e iminep mbarak nap-nen yusu-o” luk yusu-ge lag-o. Are, Kerisut Yesus-nen an tena nibid nggal, iri nggal-et an-nen na tena beyekluk, muk kerenak worasu-o.

PILIPI 3:7

Alat nde, nanduk-nen an-e ob-o luk peraso iri na-ge yawo-ge Kerisut ebem-nen-e meya nde kasu-o.

2 TIMOTIUS 4:6

Nde, an perak nde Mbal Pem Nagawan amanggim wosa pidnak nggal, an wat momtak tarem-e panggo yij-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

1 PETERUS 2:7

Kerep iri na bem kinndi angin tubu yili nap kit kenmanggim-e ebe worak mende-nen yusu-t nde, at ebem inndi angin tubu yili buk nap enmanggim-e engga wene ya-nen yidnak ndak ndak kwat yusu-o: ”O wurugwi nap-nen mbo biga kerep iri na-ge o unggut paro pidnak kerep irit agaij-o” lug-e,

2 PETERUS 1:2

Kir-e Mbal Pem Nagawan min Nenagawan Indo Yesus min kenaru yigep pem-e, we wok ondoso elem min yamuksa woragwi elem min kobongsa wok kunduwag-o.

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

2 PETERUS 1:8

Iri mende iri pidsa-ge kit-nen tena wolmomtak mende irir-o. Nde, iri mende iri kit kenpem wok tenak woragolar-e, kir-e Nenagawan Indo Yesus Kerisut kenaru yogolar-e, kenmawi min-et ebe worak mende irit kenaru yugwi rak puwa-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.