PILIPI 3:7 - Nanduk Ngget Tul Pidnak Wene

⁷ Alat nde, nanduk-nen an-e ob-o luk peraso iri na-ge yawo-ge Kerisut ebem-nen-e meya nde kasu-o.

PILIPI 3:7 Iomraidhean Croise

NDAK WIRIDNAK WENE 19:17

Inpil mbutluk, aid nap misik-nen yosolar-e: ”Kinndi imiri yogolar-e, mondok pong nak kudtag-o. Konmbol nggwe yik kagolat, tu ndumu lidmu ndong yogolat, mondok kwarurak pug-o. Lak tak kinpigit lak makluk, ndobo worak ereba nggwe-t pong kudtag-o” yak indij-et nde,

NDAK WIRIDNAK WENE 19:26

Alat nde, Lot ogwe na-ge petla imbirik nggwe yik kasoma, kwe na-ge kerep mayu kwat yij-o.

AYUP 2:4

Alat nde, Sere iri na-nen onggo yosolar-e: ”Indi min enpe ki wolmomtak min iri-ge mondok nggok-nen yusu-o. Alat nde, enarengge mende iri-ge nggog-e lag-o. Nggweyakma nab-e enarengge mende iri lak tak purak iri-ge ndag-et nde, mondok nggog-e enpe unluk wolmomtak iri nak nggog-o.

NGGOMO WENE 13:8

Ap enarengge worak nap-nen-e kona yamuksa wolmomtak pem-e ontol-et wirik pugwi-o. Alat nde, insilobulo lak nab-e enpem mbud yugwi bug-o.

NGGOMO WENE 23:23

Ndemeret mul undugwi wene min indi worak elem min nggomo undugwi min yebet kagwi min iri mende oboksa-ge mondok onggo purag-o. Alat nde, nggok lombok me, onggo wanurag-e lag-o.

AID WENE YOSO NAP 3:6

Mbal Pem Nagawan-net wat tak posolar-e, kudtak tarem min kagit lak tarem min ndok wosa purak tarem min ondoro rak purak tarem min

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

MARAKUS 10:50

Yak togolikma-ge, at na-ge at usum na yonggora mbo buruk, ndaget nak men luk, Yesus eram mbirij-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

LUKAS 14:33

”Iri ngglal-et kit kennggendumu-nen ap misiger-o luk tet kit kinsilobulo pidsa ’Nimbir-o’ luk keya bigit lak-nen-e an nimbirik noso nap kwat momtag-e meya-o” luk Yesus-nen yij-o.

LUKAS 16:8

Iri kwarij-o yogola kolosolug-e, eid na-nen tol ndok woroso nap mot mot kwaroso buk iri-nen indi nggat nggat pidnak karuk, erembel wanij-o. Nde, nggweyak ma nap inndi nggat nggar-e ijar-o. Nde, yaya bem worali nap-nen inndi nggat nggar-e lak nggal-nen yusu-o” luk yij-o.

YIDNAK YIDNAK WENE 27:38

Ir-e inmbitsa nonggolug-e, e koma na angin lak makluk nggandum mbato iri-ge yi mberak piga-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.