PILIPI 3:6 - Nanduk Ngget Tul Pidnak Wene

⁶ Imiri mbarak pidnak wene na elat mbarosolar-e, lambuk tak inpidnak nap lel mberel onposolat woragi-o. An-e imiri mbarak pidnak wene-nen yidnak yidnak nak kwarosolar-e, lugud tak poso bug-o.

PILIPI 3:6 Iomraidhean Croise

MATIUS 23:25

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e kinidmbe nde kinpiring nde ombol nggwe mondok kona matli-t nde, arem nggwe-ge yariya ap enarengge mengga wanugwi min kit kondomok ukwe ukwe yugwi min-nen kobong tak worasu-o.

MATIUS 5:20

Nde, an-nen yak kendeyeg-o: Engga enaru nap min Parisi nap min-nen lud tak nak kwarugwi-t nde, kit-nen-e it-nen kwarugwi na mondok ombol nggwe terak minik nggal lud tak nak kwarigit lak yugupndig-e, Mbal Pem Nagawan-nen tenagaidnak wi-ge nggugup pug-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

YIDNAK YIDNAK WENE 21:20

Yak ondosoloma, kuluruk yigarig-e, ir-e Mbal Pem Nagawan erembel waniga-o. Wanuruk, it-nen at yak togolar-e: ”Nab-o. Yik ki-o. Yawuri nap ap kwarat-nen inndi angin tubu yogolar-e, it pidsa-nen-e imiri mbarak pidnak wene na-ge kwara parugu worali-o.

YIDNAK YIDNAK WENE 22:5

Tepan ombo nggulok min wene mbarugwi ogore yidnak nap min-nen-e an kwarigi wene iri-ge kenggera yak kunduwa-o. It-nen Ndamsik woragwi onowe onowosi enmanggim engga mbara an wok norogolikma-ge, an-e Ndamsik mbirigirik, Nagawan Indo Urula mburugwi nap tenasa kamat unpuruk, Yerusalem yu me-nen andi bandi rak unpurak pem inmin lobok yekluk mbirigi-o.

YIDNAK YIDNAK WENE 26:5

It iri-ge obi-net neyagwi me, it-nen kunggururak ala-ge, nit-nen Mbal Pem Nagawan erembel wanogolat tena woragwi bem an-e yidnak yidnag-et kwarugwi Parisi nab-et woraso iri-ge it-nen kenggetleb-o.

YIDNAK YIDNAK WENE 8:3

Alat nde, Saulus na-ge it lambuk tak inpidnak nap na mondok lak tak enpeyekluk yosolar-e, o nin nggwilik, o nin nggwilik kwarosolar-e, kweyap nde ap nde lit eneyaga o kubu me inpil nggosolat woragaij-o.

OROMA 7:9

Nanduk, imiri mbarak pidnak wene naru buk worasolar-e, an-e nurug-et woragi-t nde, imiri mbarak pidnak wene na wok yosola-ge, meya kwarugwi elem iri uruk yosola,

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 15:9

Wirik inpidnak nap ereb-e kek tag-et nde, an-e teberag-o. Mbal Pem Nagawan-nen idnak lambuk tak inpidnak nap lel mberel inpigirik me, an nimin-e wirik inpidnak nab-o yurag-e meya-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

WENE MBENARUGWI NAP-NEN KWARIDNAK WENE 6:30

it-nen Yoas yak togolar-e: ”Kat kambara iri-nen kugwi Mbaal amanggim kan pugwi ondoro ndamera keya bosolat, kugwi kwe Ndewi Asera erembel wanugwi e wam wosa kan pugwi ondoro eralu ereba na mbarak posolat kwaramu me, kambara iri-ge mondok wat mak-nen yu me waruk lobok yi-o” yak tiga-o.