PILIPI 3:3 - Nanduk Ngget Tul Pidnak Wene

³ Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

PILIPI 3:3 Iomraidhean Croise

NDAWI ENGGA 105:3

At iri-ge Nagawan Indo mondok misiget nak-nen yusu-o. Nir-e at arengge me, nenalin nenalen kagolat wolmog-o. Nagawan Indo erembel wanogolat tebe yili nab-e enalen kagolat wolmag-o.

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

OROMA 1:9

An tepan yosolar-e, pempa kenmanggim yoso-o. Nde, an-nen yusu yu-ge ndemeret yusu-o luk Mbal Pem Nagawan-nen kenggel kunduwa-o. An-e at Ambara-nen idnak aid wene iri ninndi bem-net yak ondosolat ndegel pusu Mbal Pem Nagawan iri-nen kenggel kunduwa-o.

OROMA 15:17

Iri bem-e, an-e Kerisut Yesus imin kundik woralar-e, Mbal Pem Nagawan amanggim yabu wanusu iri bem an nalen kasu-o.

OROMA 7:6

Alat nde, kamat nunpuruk woraso imiri mbarak pidnak wene na inggi wesera wat yigerik me, nit yawo-ge imiri mbarak pidnak wene inggem-nen weserak ninpidnak worali-o. Iri bem-e, nir-e nanduk ininggi-nen mbaridnak imiri mbarak pidnak wene na ndegel ibili-ge lag-o. Are, Konak Indi-nen mirik ninpidnak ngget mende iri ndegel ibili-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

OROMA 8:39

teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

OROMA 9:6

Alat nde, Mbal Pem Nagawan-nen urul pidnak wene-ge kwarigit lak ma-o luk yusu-ge lag-o. Nde, Isarael-nen wigarak lolo iri oboksa-ge Mbal Pem Nagawan-nen len inpidnak nap nak-nen yili-ge lag-o.

2 KORINTUS 11:18

Ap kwarat-nen nggweyak ma mende bem it inndi kek tak pugwi me, an-nen na iri nggal-et yimin-o.

NGGALATIA 5:25

Konak Indi-nen nunluk tak pidnak ala-ge, Konak Indi nak-nen lit niniyuruk nosolat wolmag-o.

NGGALATIA 6:16

Nde, ”Iri nggal kwaru-o” yidnak wene yu-nen yidnak yidnak kwatli nap iri na enpem-e lambuksa woragwi elem min unpud kaso elem min-e it enpem mbuwag-o. It enpem na, Mbal Pem Nagawan arengge Isarael nap pidsa enpem na mbuwag-o!

EPESUS 6:18

Wanurug-e, tepan yogolat, Mbal Pem Nagawan emengen mbarogolat wolmer-o. Konak Indi ebem woragolar-e, pempa pempa tepan yogolar-e, kunluk kenlengen kwesa woragolar-e, marak nap pidsa enmanggim-e tepan kundugu kundugu yogolat wolmer-o.

TUGURUK YIDNAK WENE 10:16

Iri ala-ge, yawo kuri-nen kinndi amawi yili iri keya buruk, mondok Nagawan Indo-nen yidnak yidnak kwarurag-o.

TUGURUK YIDNAK WENE 30:6

Kit min kit-nen wigarak min-e kinndi-ge yidnak yidnak nak kwarugwi inndi wok kunduwama, kir-e Nagawan Indo Kenmbal Pem Nagawan mondok kinndi min-et abuwa kwarat kagolat, o iri me pem-et woragub-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

PILIPI 3:12

”An-e iri mende ludsa-t wanigi-o” luk, ”An-e iminep mbarak nap-nen yusu-o” luk yusu-ge lag-o. Are, Kerisut Yesus-nen an tena nibid nggal, iri nggal-et an-nen na tena beyekluk, muk kerenak worasu-o.

PILIPI 3:14

Iri bem-e, onggo iri waneyeklug-e, kondok yugwi sa iri me pong kil mburusu-o. Onggo iri na-ge Mbal Pem Nagawan-nen-e: ”Kerisut Yesus ebem-e aid arem yu me kuruk woranok-nen lobok yi-o” luk wene mbo nibidnak iri-net yusu-o.

KOLOSE 2:11

At ebem-net kiniye ambasap wabidnak worali-o. Nde, iri-ge ap ininggi-nen enaboro wabugwi na nggal-e lag-o. Are, Kerisut-nen kiniye ambasap wabosolar-e, meya nak kwarugwi kenaboro iri na keya bid min yigi-o.

YURAS 1:20

Alat nde, nanggamirak kenabuwa worak wa-e. Kit perak nde, kit na kit-net kinndi angin tubu yigep mondok marak wene iri na bem-et mendak woragolar-e, Konak Indi amawi bem-et tepan yogolat wolmer-o.