PILIPI 3:2 - Nanduk Ngget Tul Pidnak Wene

² Yengge min meya kwarugwi nap min we onmbol nggwe enaboro mbarugwi nap min enabiyem-o luk kwara-t wolmer-o.

PILIPI 3:2 Iomraidhean Croise

NDAWI ENGGA 119:115

Meya yugwi nap wa-e. An neram-nen mberer-o! An-e an Nembal Pem Nagawan-nen nebem pidnak ndak ndak irit kwarosolat woramin-o.

NDAWI ENGGA 22:16

Meya kwarugwi nden eneyagwi nap-nen lop lop nitli-o. It iri-ge yengge kwarat nggal an kut norogolar-e, ninggi min nuwok min kundugu nibili-o.

NDAWI ENGGA 22:20

Yalawi anggat emndam-nen mengga keya nibi-o. Yengge yeba inggiyapma-nen nimiri yi-o.

MATIUS 24:10

Nde, iri tarem-e ap kwarat-nen it inndi angin tubu yidnak na keya buwa-o. It na it-net enare pegerak mbogolat, it na it-net nisili kisili yogolat ma-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

MATIUS 7:6

Marak kopkap lak mende iri-ge yengge wok turak pug-o. Nde, kit kenarengge onggo nggulok pugwi kerep iri-ge wam mbo wok turak pug-o. Wam iri ujok-nen lul lul wosa keya buruk, nden karuk lobok yosolar-e, mbal kunpuwa-o.”

OROMA 2:28

Nde, ndemeret Yawuri nab-e unnu nak we Yawuri nap yidnag-e lag-o. Nde, ndemeret iniye ambasap wabidnak nab-e we ndemeret enaboro nak mbaridnak nab-e lag-o.

2 KORINTUS 11:13

Iri kwatli nap iri-ge ennesiget wirik inpidnak nap nggal kwatluk, yabu enesiget siget wanogolar-e, Kerisut-nen wirik inpidnak nap nggal luk kwatli-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

1 TIMOTIUS 1:19

kindi angin tubu yidnak min karem mbek tak pem min-et wim mbarosolat wolmin-o. Ap erep-nen-e it inndi konak yebet kagwi na-ge keya buruk, it inndi angin tubu yidnak na-ge lak tak piga-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

2 PETERUS 2:22

It-nen kwatli iri-ge nden karuk wene bem: ”Yengge-nen sogom kuluruk, naso-o” nde, ”Yi marak pidnak wam-e tuguruk kiri ndaril mboroso-o” yugwi na ndak ndak kwatli-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.