PILIPI 3:12 - Nanduk Ngget Tul Pidnak Wene

¹² ”An-e iri mende ludsa-t wanigi-o” luk, ”An-e iminep mbarak nap-nen yusu-o” luk yusu-ge lag-o. Are, Kerisut Yesus-nen an tena nibid nggal, iri nggal-et an-nen na tena beyekluk, muk kerenak worasu-o.

PILIPI 3:12 Iomraidhean Croise

NDAWI ENGGA 138:8

Kat-nen ”Irit kwat kibimin-o” luk urul yak nirigen iri na ndak ndag-et kwat nibi-o. Nagawan Indo wa-e. Kat-nen-e enabuwa kaso-ge pem irit kundugu woraso-o. Kat-nen kilirak kwat onposo iri na-ge pok tak purak pug-o.

NDAWI ENGGA 42:1

Mbal Pem Nagawan wa-e. Urusa wam-nen yi ene worak mboroso norak indi eberek yusu iri na nggal an-e kat nere-nen nindi eberek yusu-o.

NDAWI ENGGA 63:8

Kat kinggi-nen an yogo nuburuk worala, an ninggi-ge puk paksa tena kuburuk worasu-o.

NDAWI ENGGA 84:2

An nindi-ge mondok kat kuwi iri na bem mbung mbung tak worasu-o. An nebe min nindi min-e Mbal Pem Nagawan kuruk nak woraso kebem nalin nalen-nen nene nggoksa yusu-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 8:39

teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

1 KORINTUS 13:10

iminep mbarak mende wok yosola-ge, iminep mbal yigit lak iri-ge lak ma-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

1 KORINTUS 9:24

Pong kagolar-e, it pong kagwi nap pidsa ndak ndak puburak mbiridnag-et nde, nggareksa mbiridnak nap misiget nak-nen onggo wanoso kir-e kenaru bug-a? Iri nggal-et kir-e onggo wanurak pem-e pong nak kagolat wolmer-o.

2 KORINTUS 13:9

Nir-e ndeyag-et nde, kit kenmawi ala karuk, nit nenalin nenalen kali-o. Nde, kir-e iminep mbal yobok-nen nir-e kenmanggim tepan yili-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

NGGALATIA 5:17

Nde, ki nap-nen ukwe ukwe yugwi mende-nen-e Konak Indi-nen isili kaso mende irit indingen-o. Nde, Konak indi-nen indingen kaso mende-ge ki nap-nen ukwe ukwe yugwi mende iri-nen isili-o. It enmbereg-e wim mbarak me, kit-nen ”Iri nggal kwaruwog-o” luk kinndi-n peraidnak iri na kwarurag-e meya-t yusu-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

PILIPI 3:16

Iri alat nde, yawo-ge nit nenaru yidnak wene ndemeret wene iri bem-et waring kagolat wolmog-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

1 TIMOTIUS 6:19

Iri nggal kwarogolar-e, it abok wolmomtak amanggim pem-et wolmomtak silobulo kwarat it enmanggim ndok wuruwa-o. Iri kwatli iri-ge ndemeret unlug-et wolmomtak elem na wanuwa-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

IBERANI 12:23

Mbal Pem Nagawan ilirak manggu nderak, unnu-ge aid arem mbarak worali nap-nen enalin enalen yuwokluk ndok worogola, kir-e endam wok yigeb-o. Kir-e oboksa enpem wene mbaroso Mbal Pem Nagawan eram wok yogolat, lud tak nak woragwi nap iminep mbarak pidnak inndi endam wok yigeb-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.