PILIPI 3:10 - Nanduk Ngget Tul Pidnak Wene

¹⁰ An nindingen kaso mende-ge yu-o: Kerisut na naru yosolat, at uruk yidnak amawi iri na naru yosolat, at andi bandi kagaid nggal an na andi bandi kasolat, at wat yid nggal an na iri nggal wat yosolat yurag-e nindingen-o.

PILIPI 3:10 Iomraidhean Croise

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

MATIUS 20:23

Yogolikma-ge, at-nen it yak ondosolar-e: ”Nidmbe arem kenanggo iri-ge ndemeret nunggub-et nde, an ninggi kigit nggwe, kware nggwe kore yurak iri-ge an-nen koreyak unpurag-e meya-o. Are, an Neid-nen: ’At iri aret pimin-o’ luk enperasu nap iri koreyak unpuwa-o” luk yak indij-o.

YOANES 10:18

Nin nap-nen an nindi mengga wanuwa bug-o. An nindi-net nindi wisirik pimin-o. Nindi wisirik purak na, nindi tuguruk winde yurak na, an nebem-et worasu-o. Iri kwarurak iri-ge an Neid-net nebem pij-o” luk yij-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

OROMA 8:36

Mbal Pem Nagawan engga mbarak pem-nen yosolar-e: ”Kat kebem ala, pempa nir-e wat yidnak waring kali-o. Wururak lomba wam kwat ubu nggal kwat ninpili-o” luk yij-o.

2 KORINTUS 1:10

Wat momtak mende mondok meya iri eram-nen ninmiri yij-o. Nde, abok-nen na ninmiri-t yuwa-o. Nde, tugurug-et ninmiri-t yuwa-o luk at ebem ninndi mbung mbung tak worali-o.

2 KORINTUS 1:5

Nde, Kerisut ebem anggun panggun kwarat mbid na nggal-et nit nenpem mbusu-o. Nde, iri nggal-et Kerisut ebem-nen ninndi yangonoso mende kwarat tak nunpusu-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

NGGALATIA 6:17

Yesus arengge-nen yusu-o luk yenggerak nuburak pem an nebem ud aroro worasu me, yawo kuri-nen-e ap mbi-nen an anggun panggun tak nuburag-e lag-o.

EPESUS 4:13

Iri bem-e, nit pidsa lambuk luk, ninndi angin tubu yidnak pem-nen na, Mbal Pem Nagawan Ambara nenaru yurak pem-nen na, misiget nak irit mul-o. Nir-e ninndi worak luk, irit tit irit tit Kerisut iminep mbarak nggal nit na iminep mbal yul-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

KOLOSE 3:1

Kir-e Kerisut imin kunluk tak pidnak me, teram woraso mende nak kore yer-o. Teram iri me-ge Kerisut-e Mbal Pem Nagawan inggi kigit nggwe koreyak worasu-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

2 PETERUS 1:13

Wene abam yu yeberak kunpurag-e an neyabu-t me, an nuruk woralar-e, yeberak konposolat woramin-o.

1 YOANES 2:3

Nde, nit nde Mbal Pem Nagawan-nen imiri mbarak pidnak wene-nen yidnak yidnak nak kwarogolar-e, iri bem-net nir-e ndemeret at nenaru yili-o luk yenggerak pili-o.

1 YOANES 2:5

Alat nde, Mbal Pem Nagawan-nen yidnak yidnak nak kwaroso nap perak nde, ar-e Mbal Pem Nagawan abuwa kaso-ge iminep mbarak irit worasu-o. Iri bem-nen nir-e Mbal Pem Nagawan imin kundik misiget worali-o luk nenaru yusu-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.