PILIPI 2:9 - Nanduk Ngget Tul Pidnak Wene

⁹ Iri kwarid pem-e, Mbal Pem Nagawan-nen ndemeret at kek tak uburuk, ap erep unnu-ge tebe rak puruk, at unu mondok kek tak paga wok tij-o.

PILIPI 2:9 Iomraidhean Croise

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

NDAWI ENGGA 110:5

Nagawan Indo-ge kat kinggi kigit ambigit nggwe worasu-o. At-nen nde isilepma yosola-ge, nagawan nagawan-e urugwe nggwe rak unpuwa-o.

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

NDAWI ENGGA 91:14

Mbal Pem Nagawan-nen yosolar-e: ”Ap an nebem inndi kundik worali nab-e an-nen inmiri yimin-o. An nimin-e: ’At iri-ge nit-nen idnak Nagawan Indo-nen yusu-o’ luk yili nab-e nggetlel unpuruk woramin-o.

YESAYA 52:13

Nagawan Indo-nen yosolar-e: ”An ndegel noboso nap iri na-nen kwaridnak ebe-t kwat marig-e, at nak erembel wanogolat, kek tak ubuwa-o.

YESAYA 53:12

At na ondomok indi-net iminep wisirik puruk, meya yoso nap nggal kwat yamu-o. At-nen-e ap kwarat-nen meya yidnak wanosolat, it meya yidnak amberam tak puwakluk tepan enmanggim yamu-o. Iri bem-nen an-nen ap kwarat we at wok tukmu-o. Nde, ap lud tak mot mot nak kwarugwi nap-nen wanugwi ereba na-ge at min-et it inmin lambuksa winde ma-o” luk yij-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 17:11

Yawo an-e kat keram lobok yekluk yusu-o. An-e nggweyak ma yu me woramin pug-et nde, ir-e nggweyak ma worali-o. Konak nak Woraso Neid wa-e. Nit nenmberek misiget nak worali nggal, it na misiget nak makluk, an nebem pigen kunu, kat kunu iri bem-nen it na kwara ndegel onposolat wolmin-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

KOLOSE 1:18

Nde, at ebe-ge lambuk tak inpidnak nap-nen yusu-o. Nde, enanggul-e at-net yusu-o. At ebe iri na elem-e at-net yusu-o. Nde, yi mende ndi mende bem at arig-et nak mondok kek tak wolmaklug-e, wat yidnak nap ennggendumu-nen tel korosolat uruk tak pid nab-e at-net yusu-o.

2 TESALONIKA 1:12

Iri ala-ge, nit Nenmbal Pem Nagawan min Nagawan Indo Yesus Kerisut min-nen we wok ondoso elem pem-net kit kenpem-nen nit Nenagawan Indo Yesus unu kek tak pogolat, kit na at ebem-nen kek tak konposolat ma-o.

IBERANI 1:4

Ambara unu yarosolat na, aid nap unnu yarij-e teberag-et nde, Ambara unu-ge kek tak lombok yarij-o. Iri nggal-et it aid nap wolmomtag-e teberak nggal wok indij-et nde, Ambara-ge kek tak irit ibij-o.

IBERANI 1:9

Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 2:9

Alat nde, nir-e Yesus kali-o. Nde, Mbal Pem Nagawan-nen we wok ondoso elem pem ap oboksa enmanggim wat makluk Yesus iri-ge luru nak aid nap indipma teberak ibij-o. At andi bandisa wat yid iri bem-e yawoge ar-e nagawan nggulok kek tak pidnak irit kali-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

2 PETERUS 1:17

Eid Mbal Pem Nagawan-nen Yesus kek tak paga nggok tak obosolar-e, Mondok Abinal worak Kek tak Nap-nen at imin yosolar-e: ”Yu-ge an Nambara nindi kundik-nen yusu-o. At ebem an nalen kasu-o!” luk nit ninmbiri bem-et yosola, kulige-o.

3 YOANES 1:7

Nde, nennggamirak iri mbitli iri-ge Kerisut eyabu wanurak pem mbitli-o. Nde, it iri-ge inndi angin tubu yigit lak nap ininggem-nen silobulo mbi wanili bug-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 5:12

enne nggoksa ndawi yogolar-e: ”Waridnak Lomba Wam Marik iri-ge o tena buruk wolmomtak amawi min yi mende ndi mende ombo yurak min inndi nggat nggat elem min amawi elem min at ambigit tebe yurak min at nak kek tak uburak min at erembel wanurak min iri mende oboksa at nak-nen wanurag-e abam-net yusu-o!” luk yiga-o.