PILIPI 2:5 - Nanduk Ngget Tul Pidnak Wene

⁵ Kerisut Yesus-nen yebet kaso nggal-et kit-nen na yebet kagolat wolmer-o. At-nen yebet kaso-ge yu nggal-o:

PILIPI 2:5 Iomraidhean Croise

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

LUKAS 22:27

Nggog-e ta nde kali-o? Koreyak-nen nunggwi nap iri nde nggulok, lak? Are, koreyak-nen nunggwi nap na ndegel unpugwi nap nde nggulok-a? Lag-o. Koreyak-nen nunggwi nap irit nggulog-o. Alat nde, an-e kit kennggendumu woralar-e, ndegel unpugwi nap nggal-et worasu-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

OROMA 14:15

Nde, kat-nen nunggwi mende bem Kerisut ebem kanggam mbi indi abi meya rak posola-ge, at abuwa kasolat-nen yusu-ge lag-o. Kerisut-e ap iri amanggim wat yidnak me, kat-nen nunggwi mende bem at are purak pug-o.

OROMA 15:3

Nde, Kerisut-nen na irit, at ondomok alen tak purak mende na-ge yebet kagit lag-o. Are, Mbal Pem Nagawan engga bem-nen yosolar-e: ”Kat nggweyel kibiga mende an nebem mbij-o” luk yij-o.

OROMA 15:5

Inndi luruk puruk woragwi elem min inndi yanggunugwi elem min-e Mbal Pem Nagawan-net yusu-o. Nde, Kerisut Yesus abage nggal-et kwarobok-nen Mbal Pem Nagawan-nen-e kit kinndi misiget nak worabokluk yongga kunduwag-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

1 PETERUS 2:21

Mbal Pem Nagawan-nen wene mbo kinpid iri-ge, kondogola, andi bandi kabokluk-nen wene mbo kinpij-o. Nde, Kerisut na kit kenmanggim-et andi bandi kagaid iri-ge at-nen kwarid iri karuk, at ijok pem mborobok-nen kwarid irir-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.

1 YOANES 2:6

Ta-nen nde: ”An-e Mbal Pem Nagawan imin kundik worasu-o” luk yosolar-e, ar-e Yesus Kerisut abage nggal-et wolmomtag-o.