PILIPI 2:3 - Nanduk Ngget Tul Pidnak Wene

³ Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

PILIPI 2:3 Iomraidhean Croise

NGGOMO WENE 13:10

Inndi-nen kek yugwi iri-nen ndowaga-ge yuk puk mbugwi-nen yusu-o. Inndi worak nap-nen-e nggomo wene-ge kwara kulugwi-o.

LUKAS 18:14

Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

1 KORINTUS 15:9

Wirik inpidnak nap ereb-e kek tag-et nde, an-e teberag-o. Mbal Pem Nagawan-nen idnak lambuk tak inpidnak nap lel mberel inpigirik me, an nimin-e wirik inpidnak nab-o yurag-e meya-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

EPESUS 5:21

Kerisut indi aye woragolar-e, kit na kit-net kenggam urugom tebe yogolat wolmer-o.

PILIPI 2:14

Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

KOLOSE 3:8

Alat nde, yawo-ge kit-nen-e yu mende yu-ge mbo bugup na-e: kinsilepma yugwi nde, ukwe ukwe yugwi nde, inndi-nen ap ngal unpugwi nde, onpok pugwi wene nde, meya wene yugwi nde kit kenmende nggwe-n mbururag-e meya-o.

1 TIMOTIUS 6:4

ar-e aru buk, mondok kabak-net nde, ondomok kek yusu-o. At-nen indingen yidnag-e wene lugud tugwi min yi wene ndi wene bem ngguno nak purak indi nak yosolar-e, enlengen ale worak tak posolat, kuri worak tak onposolat, nobokpe kobokpe yogolat, inndi-nen kwaramu-t peragwi min

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.