PILIPI 2:2 - Nanduk Ngget Tul Pidnak Wene

² Iri kwatli ala-ge, kir-e an nalen mondok kwarat tak poboklug-e, kit kinndi misiget luk, nabuwa kabuwa yogolar-e, kit kinndi misiget nak woragolat, yebet kagolat na misiget erep nak yebet kagolat woragub-o.

PILIPI 2:2 Iomraidhean Croise

NDAWI ENGGA 122:8

An neyabi minggirik nowe nowot min nenggamirak min enmanggim ala karuk, an-nen Yerusalem yak tosolar-e: ”Kar-e kona yamuksa irit wolmin-o!” yak tusu-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

YIDNAK YIDNAK WENE 1:14

It pidsa min kweyap erep min Yesus ija Maria min Yesus owottak min inndi misiget tak nak puruk, tepan-e lambuksa kundugu yogolat woraiga-o.

YIDNAK YIDNAK WENE 2:1

Nde, Pentakosta iri na ndak ndak wok yosola tarem-e it oboksa-ge o misik me lambuksa woraiga-o.

YIDNAK YIDNAK WENE 2:46

Nde, pelin na pelin na it inndi lambuksa Mbal Pem Nagawan ama ndok worogolat, it enma lombok-nen mburu ndeksa nonggolat yiga-o. Nunggwi mende nonggolar-e, inndi mot mor-et enalin min nonggolat,

YIDNAK YIDNAK WENE 5:12

Nde, kwiye worak mende kwarat min kagwi buk mende kwarat min wirik inpidnak nap na-nen-e ap kwarat ennggendumu-nen kwarogolat woraiga-o. Nde, inndi angin tubu yidnak nap oboksa-ge Salomo Abanggo bem lambuksa ndok worogolat woraiga-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 7:7

At lobok yid pem nak ninndi yanggok yigit lag-o. Are, kit-nen at indi yangunigep wene iri-nen nindi kwarat yangunij-o. At-nen kit-nen kwaridnak yak nondosolar-e, nit niniyudtak kindingen yili wene min, kit kinndi puru yili wene min, an nimiri yurak pem kenmawi kwindili min yak nondosola, an nalin nalen mondok kwarat yusu-o.

PILIPI 1:4

Nde, an-e pempa pempa-t kit pidsa kenmanggim tepan yosolar-e, nalen min-et yoso-o.

PILIPI 2:16

unlug-et wolmomtak wene iri-ge it yak ondogolat woragub-o. Kit nde iri nggal kwarugup pem-e, an-nen pong kasolat woragi min anggun panggun kasolat woragi min-e ebe lak mende yigit lak, are, Kerisut-nen idnak Tarem-nen kit kenpem-e an nalen kamin-o.

PILIPI 2:20

Ninndi misiget yebet kagwi nap at nggal mbi ap misiger-o luk tet an nimin-e lag-o. Timotius nak woraso me, kit-nen kwarurak mende bem at-net ndemeret yebet keneyaso-o.

PILIPI 4:2

Eyoria min Sintike min wa-e. Nogweyaptag-o. ”Kir-e Nagawan Indo ebem-nen kinndi misiget yer-o” luk kenmengen mbarusu-o.

KOLOSE 2:5

An nebe kit kinmin-e worasu bug-et nde, nindi kinmin worasolar-e, kir-e mondok tugup lak woragolat-nen lambuksa Kerisut ebem kinndi angin tubu yidnak iri-ge kasoluk, an nalen kasu-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

2 TIMOTIUS 1:4

An-e yip tigen iri na nindi yeberak woralat me, nindi mondok yamuk makluk, kat kiyudtag-e mondok nindingen-o.

PILEMON 1:20

Iri bem-e, nab-o. Nagawan Indo unu bem yongga niri-o. Kerisut ebem kundigerik me, nindi yamuk tak pi-o.

2 YOANES 1:4

Nineid-nen: ”Ndemeret wene bem-et wolmer-o” luk yak nindid na ndak ndag-et kat kilirak ereb-e ndemeret wene na bem-et woragola karuk, nalen kwarat kagi-o.

3 YOANES 1:4

Nde, nin mende bem an-e nalen marig-et kaso-t nde, an nilirag-e ndemeret lud tak nak kwarogolat worali-o luk yogola kulurug-e, nalen kwarat kasu-o.