PILIPI 2:12 - Nanduk Ngget Tul Pidnak Wene

¹² Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

PILIPI 2:12 Iomraidhean Croise

ESERA 10:3

Iri-ge, ’Yawo nir-e enlem nin kweyap wanige yeba-ge mondok inlirak inmin ndegera langgara wirik unpul-o’ luk Mbal Pem Nagawan imbiri bem owak mbaruwog-o. Iri rak puruk, nir-e kat min Mbal Pem Nagawan enpem pidnak wene ereba na kwarugwi nap min-nen nenpem pugup wene ereba na ndak ndak nak kwarul-o. Iri yogolar-e, Mbal Pem Nagawan-nen idnak imiri mbarak pidnak wene nak kwarul-o.

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

NDAWI ENGGA 2:11

Kwiye min-et Nagawan Indo nak kek tak eber-o.

NGGOMO WENE 13:4

Perari worak nab-e at-nen wanurak kwarat ukwe yuwa-t nde, misiget ter-o luk mondok wanuwa bug-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MATIUS 11:12

Ap yi maroso nap Yoanes na lobok yid kuri-nen yawo kuri-ge Mbal Pem Nagawan-nen tenagaidnak wi iri na winde yuwokluk enmawi kondogolar-e, Mbal Pem Nagawan elem nap pela mbo mbo rak inpili-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

YIDNAK YIDNAK WENE 16:29

Yosoloma-ge, at-nen ”Tal warug-o” luk, puburak mborosolar-e, kwiye-nen owak kot kot min-et Paulus min Silas min endam erare nggwe tud yij-o.

YIDNAK YIDNAK WENE 9:6

Alat nde, kar-e menluk, o siri iri me mbiri-o. Mondok kat-nen kwarurak mende-ge yak kuruwa-o” luk yij-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

1 KORINTUS 2:3

Nde, an-e kit kennggendumu woralar-e, ndeyak luk, kwiye-nen nowak lele lele min-et woragi-o.

1 KORINTUS 4:14

An-e wene yu kenmanggim mbarusu yu-ge kinnggiri rak peyekluk-nen mbarusu-ge lag-o. Are, an nilirak nindi kundik nggomo kondosolat-nen mbal kundusu-o.

2 KORINTUS 7:15

An-nen yebet keneyasolar-e, kir-e at-nen yidnak yidnak nak kwarogolat, kinndi kwiye min konowak lele min-et kit-nen kirip koropsa wa yak togolat yigep iri na yebet kasolar-e, at-nen kit kenabuwa-ge kwarat kasu-o.

EPESUS 6:5

Ndegel unpugwi nap wa-e. Nggweyak ma yu me-n kit-nen ndegel unpugwi nagawan nagawan-nen yidnak yidnak nak kwarogolar-e, kinndi kwiye min konowak lele min-et kwarogolat wolmer-o. Kerisut ndegel ibili nggal-et kinndi mot mor-et ndegel onpogolat wolmer-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 1:29

Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.

PILIPI 1:5

An-e iri yoso iri-ge tel kwirigep kuri-net yawo na kir-e aid wene bem yongga norogolat worali bem-nen iri yoso-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 2:19

Nagawan Indo Yesus ebem an-e Timotius na-ge kit kendam ndag-et nak ibil lobok yurak perasu-o. Kit-nen kwatli wene kuluruk yimindig-e, an nindi yek yurak pem-nen yigi-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

PILIPI 4:15

Nde, kit Pilipi nab-e wene yu perak kenaru nar-o. An-e Makeronia-nen mborosolar-e, mondog-et aid wene tomboroso tel korosola-ge, lambuk tak inpidnak nap o misiger-o luk tet-nen uwang an wok nirigit lag-et nde, kit nak-nen perak nde yongga nirigeb-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.