PILIPI 2:11 - Nanduk Ngget Tul Pidnak Wene

¹¹ it ondomok enmende nggwe-nen para yogolar-e: ”Yesus Kerisut yu-ge Nagawan Indo-nen yusu-o” luk yogolat-nen-e Nineid Mbal Pem Nagawan unu kek tak puwa-o.

PILIPI 2:11 Iomraidhean Croise

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

MATIUS 10:32

”Nde, ap inmbiri bem-et nde, ’Yesus iri-ge an-e naru-o’ luk nam para yuwa nab-e an-nen na an Neid aid arem woraso imbiri bem-et nde, iri yidnak nap imin-e: ’Ap yu-ge an-e naru-o’ luk nam para yimin-o.

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

YOANES 12:42

Iri alat nde, Yawuri nap enne kulugwi nap kwarat-nen inndi-ge Yesus ebem angin tubu yiga-t nde, Parisi nap-nen-e Mbal Pem Nagawan ama-nen abu abu wirik unpuwa naru, Yesus ebem inndi angin tubu yidnag-e para yigit lak yiga-o.

YOANES 13:13

Kit-nen an yak norogolar-e: ’Mul Nondoso Nap wa-e’ yogolat, ’Nagawan Indo wa-e’ yogolat yili iri-ge ndemeret ndak ndag-et yak nitli-o.

YOANES 13:14

An-e kit-nen idnak Nagawan Indo min Mul Kondoso Nap min-et nde, kit kunuwog-e yawo marigi-o. Iri bem-e kit-nen na mondok kunuwok mat kerak mbogolat wolmer-o.

YOANES 14:13

Nde, an nebem-nen Neid kek tak puwakluk, an nunu bem kit-nen nggi yugub mende-ge pidsa kwat kinpimin-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 9:22

It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 2:36

Iri bem-e, kit-nen e lang pang tak pem wirigep nap Yesus na-ge, Mbal Pem Nagawan-nen Nagawan Indo min Kerisut min tak pidnak nap-nen yusu-o luk Isarael nap it lolo pidsa-nen wene yu mondok kwara enaru mag-o” luk yij-o.

OROMA 14:11

Mbal Pem Nagawan engga bem-nen yosolar-e: ”Nagawan Indo-nen at ondomok ebem owak mbal korasolat-nen yosolar-e: ’Ap oboksa-nen-e an neram endaru yunggusa tud luk, ar-e ndemeret Mbal Pem Nagawan-nen yusu-o luk yuwa-o’ luk yij-o.”

OROMA 14:9

Kerisut na wat luk, uruk agaid iri-ge, wat yidnak nap min unluk worali nap min-nen idnak Nagawan Indo yuwakluk-nen kwarij-o.

OROMA 15:9

Nde, Mbal Pem Nagawan-nen it unpud kaidnak pem Yesus-nen-e enlem nin nap min-et Mbal Pem Nagawan kek tak ubugwi rak inpij-o. Mbal Pem Nagawan engga bem-nen yosolar-e: ”Iri bem-e, enlem nin nap ennggendumu-nen an-e kat kerembel wanosolat, ndawi bem kat kunu kek tak posolat woramin-o” luk yij-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 KORINTUS 15:47

Nanduk woraso Aram iri-ge nggweyak pem-nen ndak worak me, nggweyak ma nab-er-o. Alat nde, imbirik lobok yid Aram iri-ge aid arem-nen mbuwagaij-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 YOANES 4:15

”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.

1 YOANES 4:2

Mbal Pem Nagawan-nen idnak Konak Indi-nen yusu-o luk yu bem-nen yenggerak pugub-o. ”Yesus Kerisut iri-ge ki nap nggal luk lobok yij-o” luk yuwa nap pidsa-ge Mbal Pem Nagawan-nen idnak Konak Indi-ge at arem worasu-o luk yenggerak pugub-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.

NAM PARA WENE 3:5

Amawi luk ombol nggwe yuwa nap iri-ge iri nggal kwasa sum loro yirik wolma-o. Nde, unlug-et wolmomtak engga bem-nen it unnu kurik pimin pug-o. An Neid min at-nen idnak aid nap min inmbiri bem ’It iri-ge an narengge-net yili-o’ luk nam-et para yimin-o.