PILIPI 1:7 - Nanduk Ngget Tul Pidnak Wene

⁷ An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 1:7 Iomraidhean Croise

YIDNAK YIDNAK WENE 20:23

Konak Indi-nen kenggera yak norosolar-e: ’Kar-e o siri nin me wok nin me wok waring kasola-ge, o kubu me kuburak min andi bandi rak kuburak min kat kabuwok pak tak worasu-o’ luk yak nurusu-o.

YIDNAK YIDNAK WENE 21:33

Mbogola-ge, wari na-ge Paulus eram wok yosolar-e, tenagaij-o. Tenaburuk, posid kere mberen lomboksa kamarer-o yak unduruk, kin wok onposolar-e: ”Ap yu-ge ta-o? Nde, ar-e no kwarij-o?” luk kin wok inpij-o.

1 KORINTUS 13:7

Ap enabuwa kagwi-ge yi kwat ibidnak ndi kwat ibidnak pem indisem nak woraso-o. Yi mende ndi mende oboksa bem indi angin tubu yosolat, yi mende ndi mende oboksa ebem indi mbung mbung tak worasolat, yi mende ndi mende oboksa bem indi luruk puruk worasolat yoso-o.

1 KORINTUS 9:23

An-nen iri kwarusu iri-ge aid wene bem ala-nen imbiringgat waneyekluk-nen kwarusu-o.

2 KORINTUS 3:2

Lag-o. Nit nentembel wanidnak engga-ge kit-nen yili-o. Engga iri-ge ap oboksa-nen enaru yogolat, kagolat maklug-e, nit ninndi arem mbarag-e kit-nen yili-o.

2 KORINTUS 7:3

Wene yigi iri-ge, anggun worak mende kit kenpem peyekluk-nen yigi-ge lag-o. Are, nit ninndi kit kenpem pidnak me, nir-e nunluk woragolat na, wat yogolat na totnor-o luk yanem yak kindige nar-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 6:20

Aid wene waruk mburuwakluk, an-e wirik nibidnak nab-et nde, aid wene na bem o kubu me nibil nggwidnak worasu-o. Iri ala-ge, aid wene na-ge ”Iri nggal kwasa yonog-o” luk yak nirid nggal-et an kwiye lag-et wene iri yek-nen namanggim tepan yogolat wolmer-o.

PILIPI 1:12

Nowe nowosi wa-e. Wene yu kenaru rak peyeg-o. An kwat nibidnak ereba-nen ndowaga aid wene nggulok yusu-o.

PILIPI 1:13

Iri kwat nibidnak pem-e, it nagawan woraso sa woragwi nap oboksa min ap erep oboksa min-nen neberagolar-e, ”Ar-e Kerisut ebem-nen o kubu me ibil nggwiga-o” luk nam-et neyali-o.

PILIPI 1:14

Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.

PILIPI 1:5

An-e iri yoso iri-ge tel kwirigep kuri-net yawo na kir-e aid wene bem yongga norogolat worali bem-nen iri yoso-o.

PILIPI 2:22

Timotius-nen mot mot nak kwaroso na lombot pukmu-ge, aid wene bem an yongga norosolar-e, ambara-nen eid yongga woroso nggal yongga nirid iri kenaru nar-o.

PILIPI 4:14

Alat nde, an anggun panggun worala, yongga nirigep iri-ge mondok konag-et kwarigeb-o.

PILIPI 4:15

Nde, kit Pilipi nab-e wene yu perak kenaru nar-o. An-e Makeronia-nen mborosolar-e, mondog-et aid wene tomboroso tel korosola-ge, lambuk tak inpidnak nap o misiger-o luk tet-nen uwang an wok nirigit lag-et nde, kit nak-nen perak nde yongga nirigeb-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

KOLOSE 4:18

An nondomok ninggi-nen yu mbarusu-o: ”Paulus an-net wa yak kundusu-o.” An kere kamat nibidnak iri-ge yebet yebet tak wolmer-o. Mbal Pem Nagawan-nen we wok ondoso elem-e kit kinmin wolmag-o.

KOLOSE 4:3

Iri kwarogolar-e, nit-nen-e Kerisut owene kura wene aid wene iri-ge ap yak unduwok-nen Mbal Pem Nagawan-nen tu kuwara wok nunduwak-nen nit nenmanggim na tepan yogolat wolmer-o. An-e wene iri bem-nen kere kamat nibidnak worasu-o.

1 TESALONIKA 5:5

Nde, kit oboksa yaya ilirak luk lengge ilirak-nen yili-o. Nir-e kubu min ndamuk min erep kundik yidnak nab-e lag-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

PILEMON 1:13

An-e aid wene bem-nen o kubu me nibil nggwidnak yu worala, kat-nen yongga nururak nggal kondolma sa yongga nuruwakluk la iri-ge tenaburak peragi-t nde,

IBERANI 3:1

Kerisut ebem mbek tak kinpidnak nanggamirak kit na aid arem woraso Mbal Pem Nagawan-nen wene mbo kinpidnak nap wa-e. Yesus na kwara kinndi-n yebet ker-o. Nit wanuruk ebem ninndi angin tubu luk wanige wene na bem Yesus-e Tepan Ombo Kek tak wolmakluk Mbal Pem Nagawan-nen wirik ibil mbuwagaid nap-nen yusu-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

2 PETERUS 1:13

Wene abam yu yeberak kunpurag-e an neyabu-t me, an nuruk woralar-e, yeberak konposolat woramin-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.