PILIPI 1:6 - Nanduk Ngget Tul Pidnak Wene

⁶ Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 1:6 Iomraidhean Croise

NDAWI ENGGA 138:8

Kat-nen ”Irit kwat kibimin-o” luk urul yak nirigen iri na ndak ndag-et kwat nibi-o. Nagawan Indo wa-e. Kat-nen-e enabuwa kaso-ge pem irit kundugu woraso-o. Kat-nen kilirak kwat onposo iri na-ge pok tak purak pug-o.

YOANES 6:29

Yogolikma-ge, Yesus-nen it yak ondosolar-e: ”Mbal Pem Nagawan indi-n kit-nen kwaruwag-o luk perasu-ge yu-o: At-nen wirik nibil lobok yidnak nap an nebem nak kinndi angin tubu yer-o” luk yak indij-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 16:14

Nde, kwami ereba na ennggenggerak nenne kulid kwe misik o siri Tiatira kwe unu-ge Liria irit woragaij-o. Kwe iri-ge kiloga sum onggo wanoso-o. At iri-ge Mbal Pem Nagawan erembel wanoso kwe-o. Nde, Nagawan Indo-nen kwe na indi tu kuwarak posola-ge, Paulus-nen yidnak wene-ge kwara kuluruk, wanij-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

2 KORINTUS 1:15

An-e wene yu mondok naru worasu bem-e, kir-e mberen pem tak posolat kenalen tak purak pem nandug-et kit kendam lobok yurak perasolat woragi-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 7:16

Yi mende ndi mende bem kir-e kenpam-et kwatli kagi luk kenperasolar-e, an-e nalin nalen kasu-o.

2 KORINTUS 9:4

Kit lid lud tak pigit lak worakmu-ge, Makeronia nap nde an nimin lobok yelep nggal-e, nir-e kit kentembel kwarat wanugwi me, nit ninnggiri kwarat kagolat, kit na kinnggiri kagolat yeleb-o.

NGGALATIA 5:10

Alat nde, Nagawan Indo ebem ala kir-e an nimin kundik worali me, an-nen yebet kasu irit kit-nen na yebet kagub-o luk perasu-o. Nde, nari wari rak kunpusu nab-e, ebe-ge an naru bug-et nde, Mbal Pem Nagawan-nen-e ap iri na ebem wene mbaruwa-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

PILIPI 1:29

Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

PILIPI 2:16

unlug-et wolmomtak wene iri-ge it yak ondogolat woragub-o. Kit nde iri nggal kwarugup pem-e, an-nen pong kasolat woragi min anggun panggun kasolat woragi min-e ebe lak mende yigit lak, are, Kerisut-nen idnak Tarem-nen kit kenpem-e an nalen kamin-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

2 TESALONIKA 1:11

Iri bem-e, nir-e pempa kit kenmanggim tepan yili-o. Nit Nenmbal Pem Nagawan-nen kenperasolar-e, at-nen wene mbo kinpidnak nap ndag-et yobokluk, kenmanggim tepan yili-o. Kir-e konak nak kwaruwog-o luk perali mende kwarurak pem-e at amawi bem-nen ebe kwat yosolat, kit kinndi angin tubu luk kwarugwi mende na iminep mbal yosolat mag-o.

2 TESALONIKA 3:4

Nde, nit-nen yak kindidnak wene-ge yawo na kwatli-o, nde, abok na iri nggal-et kwarogolat wolma-o luk Nagawan Indo ebem ala, ninndi-ge kit kenpem mbung mbung tak worali-o.

PILEMON 1:21

An-nen nggi yak kurusu mende iri-ge mondok wog-et nurugun-o peraruk engga yu-ge mbarusu-o. Nde, kat-nen siyak terak menna-t kwarugun-o luk keberasu-o.

IBERANI 10:35

Iri bem-e, kit kinndi kabak yili-ge meyog-o. Nde, kinndi angin tubu luk woragup pem-e onggo mondok nggulok wanugup nar-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.