PILIPI 1:5 - Nanduk Ngget Tul Pidnak Wene

⁵ An-e iri yoso iri-ge tel kwirigep kuri-net yawo na kir-e aid wene bem yongga norogolat worali bem-nen iri yoso-o.

PILIPI 1:5 Iomraidhean Croise

YIDNAK YIDNAK WENE 2:42

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

OROMA 11:17

Nde, yakwi e saitun inggi erep mbarak puruk, yakwi buk mbepme woraso e saitun inggi mbarak iri-ge eraret iri na bem kundik pij-o. Kit enlem nin nab-e mbepme woraso e saitun nggal-nen yili-o. Nde, kir-e yakwi e saitun min kundik kinpidnak me, elem amburu-ge Yawuri nap inmin totno wanili-o.

OROMA 12:13

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

OROMA 15:26

Nde, lambuk tak inpidnak nap Makeronia woragwi min Akaya woragwi min-nen-e Yerusalem woragwi Mbal Pem Nagawan-nen len inpidnak nap ennggendumu insilobulo lak nap iri na yongga undurak uwang ndok wurul-o luk inndi misiget luk, wene mbariga-o.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

2 KORINTUS 8:1

Nanggamirak wa-e. Makeronia woragwi lambuk tak inpidnak nap ennggendumu-ge Mbal Pem Nagawan-nen we wok ondoso elem wok indidnak wene-ge kenaru rak pul-o.

EPESUS 3:6

Kura wene iri na-ge yu-o: Aid wene bem-nen it enlem nin nab-e Mbal Pem Nagawan imbiringgat mende na Yawuri nap min it totno winde yogolat, ebe misiget na inggi ijok kwat yogolat, Mbal Pem Nagawan-nen Kerisut Yesus ebem urul paga yak indidnak wene na lambuksa winde yogolat yili-o.

PILIPI 1:12

Nowe nowosi wa-e. Wene yu kenaru rak peyeg-o. An kwat nibidnak ereba-nen ndowaga aid wene nggulok yusu-o.

PILIPI 1:16

Nde, iri yili iri-ge, an-e aid wene na elat mbarurak nebem pidnak na enaru me, an nabuwa-nen yili-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

PILIPI 2:22

Timotius-nen mot mot nak kwaroso na lombot pukmu-ge, aid wene bem an yongga norosolar-e, ambara-nen eid yongga woroso nggal yongga nirid iri kenaru nar-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

PILEMON 1:17

Iri bem-e, kat-nen nde an nimin-e ”Nit Kerisut ebem ninndi angin tubu yidnak nap misiger-a” luk neberasolar-e, Onesimus na tuguruk wok obosolar-e, an wok nibidnak nggal irit wok ibi-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.