PILIPI 1:4 - Nanduk Ngget Tul Pidnak Wene

⁴ Nde, an-e pempa pempa-t kit pidsa kenmanggim tepan yosolar-e, nalen min-et yoso-o.

PILIPI 1:4 Iomraidhean Croise

MARAKUS 5:5

Ap iri-ge pempa lengge-nen kubu-nen ap yapma inpidnak sa-nen na, ndobo bem-nen na, ene kwa bem waring kasolar-e, kerep pem ondomok mbal koraso-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 15:7

Nde, an yak kendeyeg-o. Iri nggal, meya yidnak nap misiget kondok yidnak pem-e aid arem-nen enalen kwarat kujwa-o. Nde, lud tak nak kwarugwi nap sembilan pulu sembilan (99) iri-ge ir-e meya yugwi buk me, kondok yuwa buk nap it enpem-e enalen te nggal-et kujwa-o” luk yij-o.

OROMA 1:9

An tepan yosolar-e, pempa kenmanggim yoso-o. Nde, an-nen yusu yu-ge ndemeret yusu-o luk Mbal Pem Nagawan-nen kenggel kunduwa-o. An-e at Ambara-nen idnak aid wene iri ninndi bem-net yak ondosolat ndegel pusu Mbal Pem Nagawan iri-nen kenggel kunduwa-o.

PILIPI 2:2

Iri kwatli ala-ge, kir-e an nalen mondok kwarat tak poboklug-e, kit kinndi misiget luk, nabuwa kabuwa yogolar-e, kit kinndi misiget nak woragolat, yebet kagolat na misiget erep nak yebet kagolat woragub-o.

PILIPI 3:18

An-nen-e wene yu-ge kwarat pem yak kondosolat woragi nar-o. Nde, yawo-ge yip min-et tuguruk yak kundusu-o. Ap kwarar-e it-nen kwarugwi mende bem-nen Kerisut e lang pang tak imin wim mbarak worali-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

KOLOSE 2:5

An nebe kit kinmin-e worasu bug-et nde, nindi kinmin worasolar-e, kir-e mondok tugup lak woragolat-nen lambuksa Kerisut ebem kinndi angin tubu yidnak iri-ge kasoluk, an nalen kasu-o.

1 TESALONIKA 1:2

Kit oboksa kenpem ala, nir-e pempa Mbal Pem Nagawan wiwa-o luk yak togolar-e, kit kunnu wonasa kundugu kenmanggim tepan yili-o.

PILEMON 1:7

Nanggam Pilemon wa-e. Kar-e an nabuwa kasu bem-e an nalen tak posolat, nindi uwi ya bosolat yusu-o. Marak inpidnak nap pidsa na inndi uwi ya bigen-o.

2 YOANES 1:4

Nineid-nen: ”Ndemeret wene bem-et wolmer-o” luk yak nindid na ndak ndag-et kat kilirak ereb-e ndemeret wene na bem-et woragola karuk, nalen kwarat kagi-o.