PILIPI 1:12 - Nanduk Ngget Tul Pidnak Wene

¹² Nowe nowosi wa-e. Wene yu kenaru rak peyeg-o. An kwat nibidnak ereba-nen ndowaga aid wene nggulok yusu-o.

PILIPI 1:12 Iomraidhean Croise

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

LUKAS 21:13

Iri kwat kunpuwa iri-ge nanongga-nen ap aid wene yak undurag-o.

YIDNAK YIDNAK WENE 8:4

Nde, it ndi rak inpidnak nap na-ge yi wi ndi wi waring kagolar-e, aid wene yak indil indil waring kaiga-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

OROMA 8:37

Alat nde, iri mende pidsa bem-e nit nenabuwa kaso nap iri-nen mondok ombol nggwe rak nunpusu-o.

PILIPI 1:5

An-e iri yoso iri-ge tel kwirigep kuri-net yawo na kir-e aid wene bem yongga norogolat worali bem-nen iri yoso-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 2:22

Timotius-nen mot mot nak kwaroso na lombot pukmu-ge, aid wene bem an yongga norosolar-e, ambara-nen eid yongga woroso nggal yongga nirid iri kenaru nar-o.

PILIPI 4:15

Nde, kit Pilipi nab-e wene yu perak kenaru nar-o. An-e Makeronia-nen mborosolar-e, mondog-et aid wene tomboroso tel korosola-ge, lambuk tak inpidnak nap o misiger-o luk tet-nen uwang an wok nirigit lag-et nde, kit nak-nen perak nde yongga nirigeb-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.