PILIPI 1:10 - Nanduk Ngget Tul Pidnak Wene

¹⁰ Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

PILIPI 1:10 Iomraidhean Croise

NDAK WIRIDNAK WENE 20:5

Abarakam ondomok-nen ondokwak nggwe-nen yosolar-e: ’Kwe yu-ge an nowor-o’ yosolat, at kwe yu-nen na Abarakam-nen yid iri na nggal nag-et yosola karuk-nen waneyek nak kwasa wanigirig-o. Iri bem-e an-e meya kwarigit lag-o” luk yak tij-o.

MIKA 3:2

kir-e konak kwarurak iri na-ge kinsili rak nde pili-o. Nde, meya kwarurag-e kinndingen nde yusu-o. Kit-nen-e an nelem nab-e unlug-et woragola, enaboro nggorogolat, onowak pem-nen ununo lobonogolat kwatli-o.

MATIUS 16:23

Yosoloma-ge, Yesus na nden karuk-nen Peterus na yak tosolar-e: ”Sere wa-e. Kar-e an nombol nggwe mbiri-o. Kar-e an nuwok pijaksa mbud tak nuburak kerep nggal-nen yusu-o. Kat-nen perasu mende iri-ge Mbal Pem Nagawan-nen peraso nggal-e lag-o. Nggweyak ma nap-nen peragwi mende nak perasu-o” luk yak tij-o.

MATIUS 26:33

Yosoloma-ge, Peterus-nen at yak tosolar-e: ”It erep oboksa-nen keya kubuwa-t nde, an-e mondok keya kibimin pug-o” luk yij-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

YOANES 3:20

Nde, meya nak kwarugwi nap-nen-e yaya iri insili rak puruk, it meya yugwi nam tak puwa naru, yaya na eram lobok yili bug-o.

YIDNAK YIDNAK WENE 24:16

Iri bem-e, an-e pempa Mbal Pem Nagawan min ap min inmbiri bem an nindi mbek tak worayekluk namawi kundusu-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

OROMA 2:18

Mbal Pem Nagawan indi-n pidnak kenaru nar-o. Imiri mbarak pidnak wene-nen mirik kinpidnak pem-e konak min meya min lunurag-e kenaru nar-o.

OROMA 7:16

Nde, an-nen-e iri kwarimin pug-o luk peraidnak mende nak kwarosolar-e, imiri mbarak pidnak wene-ge konak wene-nen yusu-o luk yebet kasu-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

OROMA 8:7

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 8:13

Iri bem-e, nunggwi mende iri-nen an nanggam iri are purak ala karuk, an nanggam iri-ge are pimin naru, ino-ge abok na abok na namin pug-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 6:3

Nit neneyabu wanili na meya rak pul naru, nir-e yi mende ndi mende bem oboksa ap enare pili bug-o.

2 KORINTUS 8:8

An-nen-e ”Iri nggal-et kwarurag-o” luk yak kundusu bug-o. Are, ap erep-nen enmawi min-et yongga undugwi wene na mirik konposolar-e, kit-nen kinndi mbek tak pem-et ap enabuwa kali, lak? luk-nen kinndi ngarusu-o.

NGGALATIA 5:11

Nowe nowosi wa-e. An-nen nde iniye ambasap wabugwi wene yil mburusu nggal-e noluk-nen an lel mberel nibili-o? An-e ndemeret iri wene yil mboroso ala-ge, Kerisut-nen idnak e lang pang tak iri-ge ap inndi mberen tak peleb-e lag-o.

EPESUS 4:15

Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

EPESUS 5:10

Irit posola-ge, Mbal Pem Nagawan-nen indingen kaso mende irit mbenasa kenaru yogolat wolmer-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

PILIPI 1:16

Nde, iri yili iri-ge, an-e aid wene na elat mbarurak nebem pidnak na enaru me, an nabuwa-nen yili-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 2:16

unlug-et wolmomtak wene iri-ge it yak ondogolat woragub-o. Kit nde iri nggal kwarugup pem-e, an-nen pong kasolat woragi min anggun panggun kasolat woragi min-e ebe lak mende yigit lak, are, Kerisut-nen idnak Tarem-nen kit kenpem-e an nalen kamin-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

1 TESALONIKA 5:21

Yi mende ndi mende oboksa kwara lombot puruk-net konak mende ala, puksa tena wolmer-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

YOSUA 24:14

Yosoluk yarik, wene erep min-et Yosua-nen yosolar-e: ”Kir-e kinndi mbek tak pem-et Nagawan Indo kek tak pogolat, at ndegel obogolat kinndi-net tugup lak irit wolmer-o. Nanduk konmborak Mesopotamia min Mesira min woragolat-nen erembel wanogolat woragwi kugwiwak ereba-ge mondok keya buruk, Nagawan Indo nak ndegel obogolat wolmer-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.