PILIPI 1:1 - Nanduk Ngget Tul Pidnak Wene

¹ Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

PILIPI 1:1 Iomraidhean Croise

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YIDNAK YIDNAK WENE 1:20

Ndawi Engga bem-nen mbarosolar-e: ’At uwi-ge o wa mag-o. Nde, ap-nen na iri me woragit lak mag-o’ lug-e, ’At eyabu na nin nap-nen wanuwag-o’ luk mbaridnak worasu-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 9:13

Yak tosoloma-ge, Ananias-nen wene erep nggarosolar-e: ”Nagawan Indo wa-e. Marak nap Yerusalem woragwi nap meya rak onposo wene-ge ap kwarat-nen obok yogola koloso-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 1:7

Iri bem-nen an-e Mbal Pem Nagawan-nen kenabuwa worak nap at ilirak len kinpidnak nap tobok-nen yonggo kinpidnak nap kit Oroma woragwi pidsa kenmanggim engga yu mbarusu-o. Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kinmin wolmag-o.

1 KORINTUS 16:10

Timotius nde kit kendam wok yosola-ge, an-nen Nagawan Indo eyabu wanusu nggal, at na iri nggal wanoso me, kit kinmin kwiye lak wolmakluk, wa yak ter-o.

2 KORINTUS 1:1

Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

EPESUS 1:15

Iri bem-e, kit kinndi-ge Nagawan Indo Yesus ebem angin tubu yidnak wene min Mbal Pem Nagawan winde nap oboksa enabuwa kali wene min kulurug-e,

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

PILIPI 2:19

Nagawan Indo Yesus ebem an-e Timotius na-ge kit kendam ndag-et nak ibil lobok yurak perasu-o. Kit-nen kwatli wene kuluruk yimindig-e, an nindi yek yurak pem-nen yigi-o.

PILIPI 2:5

Kerisut Yesus-nen yebet kaso nggal-et kit-nen na yebet kagolat wolmer-o. At-nen yebet kaso-ge yu nggal-o:

PILIPI 3:12

”An-e iri mende ludsa-t wanigi-o” luk, ”An-e iminep mbarak nap-nen yusu-o” luk yusu-ge lag-o. Are, Kerisut Yesus-nen an tena nibid nggal, iri nggal-et an-nen na tena beyekluk, muk kerenak worasu-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

1 TESALONIKA 1:1

I Paulus min Silwanus min Timotius min-nen-e Tesalonika woragwi lambuk tak inpidnak Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o. Mbal Pem Nagawan-nen we wok ondoso elem min lambuk tak woragwi elem min kit kinmin wolmag-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

2 TESALONIKA 1:1

Nit Paulus min Silwanus min Timotius min-nen-e Tesalonika woragwi lambuk tak inpidnak nap, Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o.

2 TESALONIKA 1:10

Iri kwaruwa tarem-e Nagawan Indo-ge at winde nap oboksa ennggenggerak-nen at erembel wanogolat, inndi angin tubu yidnak nap oboksa-nen at wi langgu mbal obogolat yuwa Tarem-e nit-nen yak kindidnak wene wanigep pem-e, kit na it ennggendum iri me-t woragub-o.

1 TIMOTIUS 1:2

kat kindi angin tubu yidnak pem ndemeret an nambara kwat yidnak Timotius kamanggim engga yu mbarusu-o. Nde, Nineid Mbal Pem Nagawan min Nenagawan Indo Kerisut Yesus min-nen we wok ondoso elem min ap unpud kagwi elem min yamuksa woragwi elem min-e kimi wolmag-o.

1 TIMOTIUS 3:8

Iri nggal-et lambuk tak inpidnak nap yik eneyarok woragwi ogore yidnak nab-e mot mot na woragwi nap, enne ndogwal mberen yugwi buk nap, anggut engen amburu ndonggosa nunggwi buk nap, uwang nggok tak pugwi buk nap irit mag-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

PILEMON 1:1

Kerisut Yesus ebem kere kamat nibidnak nap Paulus an min nonowot Timotius min-nen nit nennggam, yabu misiget erep wanoso nap Pilemon kat min,

IBERANI 13:23

Nit nennggam Timotius na-ge o kubu me ibil nggwiga na-ge yawo weserak ibiga-o luk kenaru yobokluk-nen yak kundusu-o. Nde, at nde an worasu sa lobok yosola-ge, an-e kit kendam lobok yosolar-e, imin lobok yimin-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.

NAM PARA WENE 1:20

An ninggi kigit nggwe tena worasu wonaru tuju min, emas-nen konidnak tal tuju min iri bem-nen yidnak kura wene ebe-ge yu-o: Wonaru tuju iri-ge lambuk tak inpidnak nap tuju iri-nen idnak aid nap-nen yili-o. Nde, tal tuju iri-ge lambuk tak inpidnak nap o tuju iri-net yili-o” luk yak nirij-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 2:12

”Peregamus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge yalawi anggat ponok ponok worak tena worasu nap-nen yidnak wene-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 22:9

at-nen an yak norosolar-e: ”Kar-e an nerembel wanurak pug-o. Mbal Pem Nagawan nak erembel wani-o. An na at ndegel oboso nap kat min kanggamirak Mbal Pem Nagawan ene lomboksa yugwi nap ereba min engga yu arem mbarak worasu wene ereba kwara wonatluk yidnak yidnak kwatli nap oboksa min ndak ndak at ndegel oboso nap-net yusu-o” luk yak nirij-o.