MIKA 2:3 - Nanduk Ngget Tul Pidnak Wene

³ Iri kwat inpili bem-e Nagawan Indo-nen yosolar-e: ”An-e lak tak onposo mende kit kenpem pil lobok yurak yebet kasolat worasu-o. Kenpem nde pil lobok yosola-ge, kir-e mbela mburugup pug-o. Iri tarem-e kit lak tak kunpurak tarem-e kir-e kinndi kek tak pem waring kali iri na nggal-e waring kagup pug-o.

MIKA 2:3 Iomraidhean Croise

YEREMIA 18:11

Nagawan Indo-nen an yak norosolar-e: ”Nde, yawo-ge Yewura nap min Yerusalem woragwi nap min iri yak indi-o. An-e it inmin wim mbarurak nindi konusu-o. Iri yosolar-e, it enpem angin worak mberak purak mende lid lud tak pusu-o. Iri bem-e ndak yak indi-o. It-nen meya kwarugwi iri keya buruk, enpage iri-ge tuguruk nden kujwag-o.

YEREMIA 36:23

Yewuri iri na-nen-e engga iri na wonarosolar-e, obo kenan nggal empat nggal wonarosola-ge, nagawan iri na-nen-e kabo marik pem mbara marik mariksa engga iri na-ge kan ma pil nggwerenak irit worasoma, engga iri na-ge oboksa kan pij-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

AMOS 2:14

Unuwok nggarim worak-nen na mengga pong kujwa bug-er-o. Enmawi worak nap-nen na enmawi lag-et ma-o. Ap san ombo-nen na at ondomok agap ndaguwa bug-er-o.

AMOS 3:1

Nagawan Indo-nen lesa Mesira-nen wok kunpuruk lobok yid nap Isarael nap wa-e. Nagawan Indo-nen kenpem pidnak wene-ge kwara koler-o. Nagawan Indo-nen yosolar-e:

AMOS 3:2

”Nggweyakma yu me-nen yi nap ndi nap oboksa ennggendumu-nen kit kenlem misiget yu nak perak an-nen kinmin kondosolat, lombot konposolat worasu-o. Iri-nen ndowaga kit-nen meya kwatli-ge meya nggog-et kwarogola karuk, ndemeret an-nen angin worak mondok kenpem pimin-o” luk yij-o.

AMOS 5:13

Kit-nen iri kwatli iri bem-e meya iri nggal kwarugwi tarem me, indi nggat nggat worak nab-e indiyabu nak wolmomtak iri-ge ndag-o.

MIKA 2:1

Kubu nene yugwi sa mbiringgik woragolat: ”Meya kwarurak iri nggal kwarimin-o” luk inndi yebet kagolat worarug-e, kup o nda yosola-ge, meya kwarurak enmawi worasola me, inndi arem yebet kaidnak ereba na kwatli nab-e mondok enabuwa kagolat wolmag-o.

OROMA 16:4

An nimiri yogolar-e, it enmberek ondomok inndi wisirik pidnak me, an-e ”Wiwa-o” luk yak undusu-o. Nde, an-nen nag-e lag-o. Are, enlem nin nap lambuk tak inpidnak nap oboksa min-et ”Wiwa-o” luk yak indili-o.

EPESUS 5:16

”Yawo ya-ge meya momtak tarem-nen yusu-o” luk, kwarurak tarem worala yat nanongga kwarogolat wolmer-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.