MATIUS 4:3 - Nanduk Ngget Tul Pidnak Wene

³ Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MATIUS 4:3 Iomraidhean Croise

MBIRIGA WENE 16:3

yak ondogolar-e: ”Nit Mesira woragola ereba-net Nagawan Indo-nen nendeleb-e ob-o. Nde, Mesira woragolar-e, nir-e kuali arem sagidnak uno nonggolat, oroti ninmbit nenmbatsa nonggolat yugwi-t nde, kit yu me wok nunpuruk lobok yigep yu-ge nit yu me oboksa nere-nen wat makluk ninmin lobok yigepma-o” luk yiga-o.

MATIUS 14:33

Kondok yosoloma-ge, it e koma arem woraiga nap-nen Yesus erembel wanogolar-e: ”Kar-e ndemeret Mbal Pem Nagawan Ambara-nen yusu-o” luk yiga-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MARAKUS 1:1

Mbal Pem Nagawan Ambara Yesus Kerisut owene konak wene-ge yu-o.

MARAKUS 3:11

Nde, ap enarem nggwidnak kugi ereba-nen at karuk, at eram mbud yogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o” luk yiga-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 22:70

Yosoloma-ge, it pidsa-nen yogolar-e: ”Iri yigen me-ge, kar-e Mbal Pem Nagawan Ambara-nen yusu, lak?” luk yogoloma-ge, at-nen it yak ondosolar-e: ”Kit-nen yigep irir-o” luk yij-o.

LUKAS 4:3

Iri ala-ge, Sere-nen at yak tosolar-e: ”Kar-e Mbal Pem Nagawan Ambara nde ala-ge, kerep yu-ge mburu kwat min-o luk yak ti-o” luk yij-o.

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

LUKAS 4:9

Iri lug-e, Sere-nen Yesus waruk Yerusalem mberarig-e, Mbal Pem Nagawan uwi kirin pem koreyak uburuk-nen yak tosolar-e: ”Kar-e Mbal Pem Nagawan Ambara nde ala-ge, yu me-nen kat kambikpebe-t kud mboksa mbi-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 9:35

Yesus-nen ap iri na Mbal Pem Nagawan ama-nen langgara wirik pidnak wene kulurug-e, ap iri na ogore luk, karuk-nen yak tosolar-e: ”Kar-e Ap Ambara ebem kindi angin tubu yusu, lak?” luk yij-o.

YIDNAK YIDNAK WENE 9:20

Woralar-e, Yawuri nap-nen tepan yugwi ma ereya na me-nen Yesus owene wesera yak ondosolar-e: ”At iri-ge Mbal Pem Nagawan Ambara-nen yusu-o” luk yak indij-o.

2 KORINTUS 1:19

Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

1 TESALONIKA 3:5

Iri bem-e, an nindi wolmom puk ala, kit kinndi angin tubu yidnag-e ngge kwarak worali-o luk naru yekluk Timotius wirik ibil lobok yigi iri-o. Sere-nen kit kenarem woraga pil ngguwama, nit-nen wanidnak yabu-ge ebe lak mende ma-o luk numud-nen yigi-o.

IBERANI 12:16

Nde, kit kennggendumu-nen ap misik-nen mbabi kwarosolat, Esau-nen kwarid nggal konak mende na ebe lak mende nggal tak posolat ma naru, kwil kwalsa wolmer-o. Esau na-ge manggu nderak nak-nen wanugwi imbiringgat mende na-ge misiget pem norak piring iri na min onggo onggo rak pamu-o.

IBERANI 4:14

Iri ala-ge, Mbal Pem Nagawan Ambara Yesus, nit nentepan ombo nggulok na-ge Mbal Pem Nagawan eram aid arem iri me nggwidnak me, nit ninndi angin tubu yidnak na-ge mondok puksa tena wolmog-o.

IBERANI 7:3

Melkisendek na-ge eid ija unnu na lak, eid ombo unnu na lak, at ndet ibidnak wene na lak, at wat yidnak wene na mondok lag-o. At iri-ge Mbal Pem Nagawan Ambara nggal me, pem-et woralik nalik wolmomtak tepan ombo-nen yusu-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.