LUKAS 9:41 - Nanduk Ngget Tul Pidnak Wene

⁴¹ Yosoloma-ge, Yesus-nen yosolar-e: ”Kit kinndi angin tubu yugwi buk, lugud tak nggwe nak kwarugwi nap wa-e. Kit kinmin nunggwirik tarem nggal woramin-o? Kit kinmin nunggwirik tarem nggal mamak puruk woramin-o?” luk, ”Kambara na waruk lobok yij-o” luk eid na yak tij-o.

LUKAS 9:41 Iomraidhean Croise

2 NAGAWAN NAGAWAN-NEN KWARIDNAK WENE 5:8

At-nen wene yid iri na kuluruk, Mbal Pem Nagawan ene lomboksa yoso nap Elisa iri na-nen Isarael nap nagawan iri na eram wene pil mborosolar-e: ”Kar-e noluk kindi wendet yusu-o? Ap iri-nen-e Isarael yu me-ge Mbal Pem Nagawan ene lomboksa yoso nap mbi worasu-o luk aru makluk, ap iri-ge an neram pil lobok yi-o” luk wene pil mbirij-o.

MBIRIGA WENE 10:3

Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

MBIRIGA WENE 16:28

Iri yogola, Nagawan Indo-nen Musa yak tosolar-e: ”Kir-e an-nen ’Irit kwarurag-o’ yak kindidnag-e pempa tal tenak woragub-a?

WONARIDNAK WENE 14:11

Nagawan Indo-nen Musa yak tosolar-e: ”It yu-ge pempa an nimin eyak wat tenag-et wolma? It enlem yu-ge an-nen-e kwiye worak mende it ennggendumu kwarat kwarusu-t nde, noluk-nen an nebem inndi angin tubu yili bug-o?

WONARIDNAK WENE 14:27

”It meya yugwi nap ereba-nen an nebem ’Yu-o, iri-o’ luk yane wat tenak worali iri-ge, mepme tarem-nen keya buwa-o? It-nen yane witli ereba-ge an-e abu kulusu-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 12:39

Yogolikma-ge, Yesus-nen it yak ondosolar-e: ”Yawo worali nap kir-e meya kwarogolat, logud tak kwarogolat kwatli-ge ijar-o! Kir-e iri yugwi-net nde, kwiye worak mende mbi kwari-o luk yak nitli-a? Mondok lag-o. Nde, yenggerak purak mende nin mbi mirik kunpuwa bug-o. Are, Mbal Pem Nagawan ene lomboksa yoso nap Yunus-nen kwarid yenggerak purak mende iri na-t kagub-o.

MATIUS 12:45

kugi iri na mborosolar-e, at iri-ge meya-t nde, at nggal nggal mondok meya kugi tuju iri na at-nen ininggi wil mbutlug-e, ap iri na arem nggugwi-o. Nggogola-ge, ap iri na nanduk woraso iri-ge meya-ge marik nggal-et nde, abok nggwe woraso iri perak nde mondok meya irit kwaroso-o. Nde, yawo worali meya yugwi nap iri na kwat onposolar-e, iri nggal kwat unpuwa-o” luk yij-o.

MATIUS 16:4

’Kagwi buk mende mirik ninpi-o’ luk yugwi nab-e meya kwarugwi nap min mot mot kwarugwi buk nap min iri-net yili-o. Nde, kagwi buk mende nin mbi yak kunduwa bug-o. Are, Yunus-nen idnak kwiye worak mende iri nak mirik kunpu-wa-o” luk yak ondosoluk, it iri me woragola, at na keya unpuruk mbirij-o.

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MATIUS 23:36

An-e ndemeret yak kundusu-o: Iri kwaridnak oboksa-ge yawo worali nap konmbolwak pem wolma-o.”

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

MARAKUS 10:14

Met onpogolikma karuk, Yesus na isilepma luk, at owosirak yak ondosolar-e: ”Li marik marig-e an neram lobok yuwag-o. Ap inndi-ge li marik yu inndi nggal kwat ma nap-net Mbal Pem Nagawan-nen tenagaidnak wi winde momtak nap-nen yili me, langgal eneyali meyog-o.

MARAKUS 10:49

Nde, Yesus na ndong luk-nen yosolar-e: ”At iri wene mbo ber-o” luk yosoloma-ge, it-nen ap erengen ngguru na yak togolar-e: ”Kwiye lag-et men min-o. Wene mbo kubusu-o” luk yak tiga-o.

MARAKUS 9:19

Yosoloma-ge, Yesus-nen it yak ondosolar-e: ”Kinndi angin tubu yugwi buk nap wa-e. Nunggwirik tarem nggal kinmin woramin-o? Nunggwirik tarem nggal kinmin momak puruk woramin-o? La iri-ge an neram waruk lobok yer-o” luk yak indij-o.

LUKAS 8:25

Iri lug-e, at-nen owosirak na yak ondosolar-e: ”Kir-e noluk-nen kinndi an nebem angin tubu yigit lak yili-o?” luk yak ondosoloma-ge, it na wi luk, kwiye-nen pabok puruk-nen yak kerak mbogolar-e: ”Obube min yi min-et nde, at ene kuluruk, at-nen yidnak yidnak nak kwarusu yu-ge ta nde kali-o?” luk yiga-o.

LUKAS 9:40

Nde, kugi iri wirik puwakluk, kat kowosirak enmengen mbarigi-t nde, it-nen wirik pigit lag-o” luk yij-o.

LUKAS 9:42

La na Yesus eram mborosoma-ge, kugi na-nen la iri na mbud tak puruk, inggi lele owak lele rak pij-o. Alama-ge, Yesus-nen-e: ”Kar-e mbiri-o” luk kugi na met puruk, la na ki rak puruk, waga eid eram pij-o.

YOANES 14:9

Yosoloma-ge, Yesus-nen at yak tosolar-e: ”Pilipus wa-e. An-e pempa kit kinmin worasu-t nde, kar-e yenggerak neyasu bug-a? An neyali nap-nen-e an Neid iri kali-t nde, noluk-nen kat-nen-e: ’Kat Keid iri mirik ninpi-o’ luk yigen-o?

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

YIDNAK YIDNAK WENE 13:18

Mbal Pem Nagawan-nen-e karu me iri me-nen it enpage towarosolar-e, molengen ebis-et empat pulu (40) irit woragaij-o.

YIDNAK YIDNAK WENE 2:40

Yak undurug-e, wene erep kwarat nimi nomosa yak unduruk, nggomo kiri keresa yak ondosolar-e: ”Yawo worali nap meya nak kwarugwi nggal yugub-o luk kenambikpebe-t kinmiri yer-o” luk yak indij-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

TUGURUK YIDNAK WENE 32:5

Alat nde kir-e lugud tak kwarugwi kenlem-nen yili-o. Kit-nen at elem nap kwat yurak na mondok ndag-e lag-o. Kir-e lugud tak nak kwarugwi min meya kwarugwi min nak kobong tak-nen yili-o.

IBERANI 3:19

Iri bem-e ir-e Mbal Pem Nagawan indisep kwaroso sa nggwigit lak yiga iri-ge it inndi angin tubu yigit lak ala-nen nggwigit lag-o luk nir-e nam-et kali-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

IBERANI 4:2

Nde, konak wene iri-ge it-nen kuliga na nggal-et nit na kulige-o. Nde, wene iri kologolat woraiga-t nde, wene na bem inndi angin tubu yigit lak yigarik me, wene na-ge it enmanggim-e ebe lak mende nggal yij-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.