LUKAS 9:33 - Nanduk Ngget Tul Pidnak Wene

³³ Iri luk, mberen nap na Yesus keya buruk mborogoloma-ge, Peterus-nen at yak tosolar-e: ”Mul Nondoso Nap wa-e. Nir-e ob-et yu me worali-o. O lije kenan wurul-o. Kat kamanggim, Musa amanggim, Elia amanggim nde wurul-o” luk yij-o. (Wene yid iri-ge at indi-ge yebet kagit lak me, kasa ereya-t yij-o.)

LUKAS 9:33 Iomraidhean Croise

NDAWI ENGGA 27:4

An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NDAWI ENGGA 73:28

Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

MATIUS 17:14

Nde, it iri na-ge ap kwarat endam wok yogola-ge, ap misik na Yesus eram lobok yarik, at eralu endaru yunggusa kore luk-nen

MATIUS 17:4

Iri alama-ge, Peterus na-nen Yesus yak tosolar-e: ”Nagawan Indo wa-e. Nir-e yu me worali yu-ge konak lombog-o. Kat kindingen nde ala-ge, o lije kenan yu me wereyeg-o. Misig-e kat kamanggim, nde misig-e Musa amanggim, nde misig-e Elia amanggim-et wirimin-o” luk yij-o.

MARAKUS 10:38

Yesus-nen it yak ondosolar-e: ”Kit-nen nggi yigep iri-ge kenaru buk-nen yigeb-o. Andi bandi kagwi mende yimbe arem kenanggo an namin iri erep kit-nen norag-e ndag-a? Nde, an andi bandi kamin mende iri kit kudtag-e ndag-a?” luk yak indij-o.

LUKAS 5:5

Yak tosoloma-ge, Simon-nen yosolar-e: ”Mul Nondoso Nap wa-e. Nir-e yawo kubu kore yik tenak o nenpem nda yij-et nde, misiget ter-o luk wanigit lag-et nde, kat-nen: ’Tugurug-et mberak pi-o’ luk yak norosola me, mberak pimin-o” luk yij-o.

LUKAS 9:34

Nde, Peterus-nen wene na yosoma-ge, nggan nggan misik lobok yosolar-e, it na yemendak onposola, it kwiye kwarat yiga-o.

LUKAS 9:49

Yosoloma-ge, Yoanes-nen yosolar-e: ”Mul Nondoso Nap wa-e. Ap misig-e kat kunu bem kugi wirik posola karug-e, ar-e nit ninmin waring kaso buk ala-ge, ’Iri kwarusu meyog-o’ luk yak tige-o” luk yij-o.

YOANES 14:8

Yosoloma-ge, Pilipus-nen Yesus yak tosolar-e: ”Nagawan Indo wa-e. Ninndi yamuksa wolmok-nen kat Keid iri-ge mirik ninpi-o” luk yij-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.