LUKAS 9:32 - Nanduk Ngget Tul Pidnak Wene

³² Nde, iri tarem-e Peterus anggamirak inmin-e nene yiga-t nde, men yogolat-nen yik kaiganggal-e, Yesus na abinal worak mberen nap inmin irit mendak worakmu eneyaiga-o.

LUKAS 9:32 Iomraidhean Croise

YESAYA 60:19

Lengge-ge mo kebem yarosolat, nde, kubu-ge waneya-nen yaya rak kobosolat wolma bug-o. Nagawan Indo an-e pem irit kat yaya rak koboso kwat yosolar-e, pempa nabinal-nen yaya rak kobosolat woramin-o.

NDANIEL 10:9

Nde, an-nen at ene iri na kolosolar-e, an-e wat yidnak nggal irit wat yosolat, nerare nggwe langgusa mbud yigi-o.

NDANIEL 8:18

Nggabiriel-nen an nimin wene yosola ereya na-net an-e nindi laksa worak woragi-t nde, at-nen-e ninggi waga mendak nibij-o.

MARAKUS 14:40

Iri luk, at na tuguruk lobok yidnggal-e, at owosirak na enlengen lamborosoloma, nene yikma, eneyagaij-o. Alama-ge, wene no yak turak nggal inndi kabak yiga-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

2 PETERUS 1:16

Nde, Nenagawan Indo Yesus Kerisut na amawi min lobok yurak wene min yak kindige iri-ge, tisiya ap inndi-nen mbela enesiget yugwi nggal yak kindili-ge lag-o. Are, Yesus Kerisut-nen kek tak woraso iri-ge nit nenlengen towelengen-nen kaige-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.