LUKAS 9:20 - Nanduk Ngget Tul Pidnak Wene

²⁰ Yogolikma-ge, at-nen it kin wok onposolar-e: ”Kit-nen-e an-e ta-o luk neberali-o?” luk yosoloma-ge, Peterus-nen wene erep nggarosolar-e: ”Kar-e Mbal Pem Nagawan eram-nen lobok yidnak Kerisut-nen yusu-o” luk yij-o.

LUKAS 9:20 Iomraidhean Croise

MATIUS 22:42

”Kerisut iri-ge kir-e ngge nde eberali-o? Ar-e ta ambara-nen yusu-o?” luk kin wok onposoma-ge, it-nen at yak togolar-e: ”Ar-e Ndaud ambara-nen yusu-o” luk yiga-o.

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 5:47

Nde, kit-nen-e kit kennggamirak nak wa yak indili iri-ge ap erep-nen na iri nggal kwarugwi me, terak minig-e ngge-o? Mbal Pem Nagawan enaru buk nap-nen na iri nggal-et kwarugwi-nen yusu-o!

MARAKUS 14:61

Kin wok ibij-et nde, Yesus-e onggo mbi yigit lak, ene lak nak woragaij-o. Alama, tepan ombo nagawan na-nen tuguruk at kin wok obosolar-e: ”Kar-e Kerisut, Kek tak Woraso Nap Ambara-nen yusu, lak?” luk kin wanij-o.

MARAKUS 8:29

Yogolikma-ge, at-nen kin wok onposolar-e: ”Nde, kit-nen-e ta nde neberali-o?” luk kin wok onposoloma-ge, Peterus-nen yosolar-e: ”Kar-e Kerisut-nen yusu-o” luk yij-o.

LUKAS 22:67

Nde, it-nen at yak togolar-e: ”Kar-e ndemeret abok lobok yuwa nap Kerisut ala-ge, yak nindi-o” luk yogolikma-ge, Yesus-nen it yak ondosolar-e: ”An-nen yak kondosola, kinndi angin tubu yugup pug-o.

LUKAS 9:19

Yosoloma-ge, it-nen yogolar-e: ”Ap erep-nen kar-e ap yi maroso nap Yoanes nde keberali-o. Nde, ap erep-nen-e kar-e Elia nde keberali-o. Nde, arep-nen-e: ’Lag-o. Nanduk Mbal Pem Nagawan ene lomboksa yugwi nap yeba na misik uruk yarik-nen yusu-o’ luk keberali-o” luk yiga-o.

YOANES 1:41

Andereas iri-ge ndag-et nak at owe Simon ogore yil mberarik, kasoluk-nen yak tosolar-e: ”Mesias iri na kaige-o” luk yak tij-o. (Nde, Mesias min Kerisut min iri-ge Yunani wene bem-e Inmiri Yoso Nagawan-o yogolar-o.)

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 11:27

Yak tosoloma-ge, kwe na-nen at yak tosolar-e: ”Eyo, Nagawan Indo wa-e. Kar-e ’Abok-nen lobok yuwa-o’ yugwi nap Mesias, Mbal Pem Nagawan Ambara-nen yusu-o luk nindi angin tubu yusu-o” luk yij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 4:29

”Ap misig-et an-nen kwaridnak mende pidsa para yak nirid nap iri kil lobok yer-o. Ap iri-ge Mesias-nen yusu, lak?” luk yij-o.

YOANES 4:42

it-nen kwe na yak togolar-e: ”Yawo ninndi angin tubu yili yu-ge kat-nen yidnak pem nak-nen yili-ge lag-o. Are, nit na nondomok-net at-nen yidnak wene kuluruk, at yu-ge ndemeret ki nap pidsa Inmiri Yoso Nap-nen yusu-o luk nenaru yili-o” luk yak tiga-o.

YOANES 7:41

Nde, it erep-nen yogolar-e: ”At yu-ge Mesias-net yusu-o” luk yogolat nde, it erep-nen-e: ”Lag-o. Mesias iri-ge o Nggalilea nggal-nen lobok yurak meya-o.

YIDNAK YIDNAK WENE 17:3

Wene na nam para mirik onposolar-e, Mesias na-ge mondok andi bandi karuk, wat yidnak nap ennggendumu-nen men momtak wene na mirik onposolat woragaij-o. Iri luk, at-nen yosolar-e: ”An-nen yak kundusu nap Yesus yu-ge Mesias-net yusu-o” luk yij-o.

YIDNAK YIDNAK WENE 8:36

It iri-ge tula mbiriga mbiriga-ge, yi ma wok yogolar-e, iyiri wabidnak nap-nen yosolar-e: ”Yi yu worasu yu ki-o. An yi ma nuburag-e nunggwirig-o?” luk yij-o.

YIDNAK YIDNAK WENE 9:22

Alat nde, Saulus-nen yidnak wene iri-ge amawi kondosolar-e: ”Yesus iri-ge Kerisut-net yusu-o” luk watsa-t yosola karuk, Ndamsik woragwi Yawuri nap na wene onggo yurag-e nggeyok yiga-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.