LUKAS 9:2 - Nanduk Ngget Tul Pidnak Wene

² Iri lug-e, Mbal Pem Nagawan-nen tenagaidnak wi wene mul ondogolat, ud enpem mbidnak nap ki rak inpil nogolat yuwakluk wirik inpij-o.

LUKAS 9:2 Iomraidhean Croise

MATIUS 10:5

Yesus-nen ap duabelas iri na wirik onposolat-nen yak ondosolar-e: ”Enlem nin nap endam mbururak pug-o. Nde, Samaria nap unuwi silmu na nggurak pug-o.

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 24:14

Nde, Mbal Pem Nagawan-nen tenagaidnak wi wene, aid wene iri-ge ap pidsa-nen enaru makluk, yi wi ndi wi oboksa yak indil nuwa-o. Iri rak puruk-net woroksiyem-e wok ma-o.”

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

MARAKUS 6:12

Yak ondosoloma-ge, it mborogolat-nen ap mul ondogolar-e: ”Kit meya yidnak keya buruk, kondok yer-o” luk yak indil mbiriga-o.

LUKAS 10:1

Iri rak purug-e, Nagawan Indo-nen ap erep tujupulu lenak unpuruk, mberen lombok at waring kudtak o ereba na me at abuwok it nanduk wirik inpij-o.

LUKAS 10:11

’Kit kinndi wanobokluk, kit kunuwi liri nunuwok pem lop nok yidnak yu-ge nir-e pil kali-t nde, Mbal Pem Nagawan-nen tenagaidnak wi-ge nit nendam panggo yij-o luk kenaru wolmer-o’ luk yak undugub-o.

LUKAS 10:9

o iri me woraidnak kugi worak nap ki rak onpogolat, o iri me woragwi nap yak ondogolar-e: ’Mbal Pem Nagawan-nen tenagaidnak wi-ge panggo yusu-o’ luk yurag-o.

LUKAS 16:16

Nde, ap yi maroso nap Yoanes na wok yigit lak worala-net Musa-nen imiri mbarak pidnak wene min Mbal Pem Nagawan ene lomboksa yugwi nap-nen mbaridnak wene min-e kwat tenak woraiga-o. Nde, Yoanes wok yid kur-nen-e Mbal Pem Nagawan-nen tenagaidnak wi wene aid wene na yak ondogola-ge, Mbal Pem Nagawan-nen tenagaidnak wi iri na me nggogolar-e, pela mbo mbo nggwili-o.

LUKAS 9:11

Mborogola-ge, it mbiriga onpok enaru lug-e, ap kwarat na at imbirik mbiriga-o. Mborogola, Yesus-nen imin tak unpurug-e, Mbal Pem Nagawan-nen tenagaidnak wi wene yak ondosolat, ap kugi worak it ennggendumu ki rak onposolat kwarij-o.