LUKAS 9:16 - Nanduk Ngget Tul Pidnak Wene

¹⁶ Iri lug-e, Yesus na-nen oroti mburu lima na min keyane mberen na min wanurug-e, mbal lik karuk, Mbal Pem Nagawan wa yak turuk, mbara mbara ligik puruk, ap na tembesa wok unduwakluk, at owosirak na wok indij-o.

LUKAS 9:16 Iomraidhean Croise

MATIUS 14:19

Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 15:36

mburu tuju ereya na min keyane min wanosoluk, Mbal Pem Nagawan wa yak turuk, mbara ligik purug-e, at owosirak iri na wok ondosola, it-nen-e ap kwarat iri na tembesa mak indiga-o.

MARAKUS 7:34

Tena burug-e, Yesus na mbal nggwe lik kasolat-nen indisep wirik puruk-nen ap iri na yak tosolar-e: ”Epata” luk yak tij-o. Nde, iri-ge nit nenne bem-e: ”Keyanggo kuwak mag-o” yosolat-nen yij-o.

LUKAS 22:19

Iri luk, at-nen mburu wanuruk, Mbal Pem Nagawan wa yak turuk, ndeksa ndeksa puruk, it tembesa wok ondosolat-nen yosolar-e: ”Yu-ge an nebe [kit kenmanggim pidnak-nen yusu-o. Kinndi an nebem mbung mbung tak woragolar-e, yu nggal-et kwarogolat wolmer-o” luk yij-o.

LUKAS 24:30

Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

LUKAS 9:15

Yak ondosoloma-ge, at owosirak na-nen at-nen yak indid iri na nggal-et koreyak inpil mbiriga-o.

LUKAS 9:17

It pidsa inmbitsa irit ningga-o. Nde, erep minggirig-e, at owosirak-nen yarak pukmu, mul sum duabelas irit kobong yij-o.

YOANES 6:11

Kore yogolikma-ge, Yesus na-nen mburu na wanuruk, Mbal Pem Nagawan wa yak turuk, ap iri me koreyak ereba na tembet indij-o. Nde, keyane na iri nggal kwasa-t tembet endamu, it pidsa inmbitsa ningga-o.

YOANES 6:23

Nde, e koma ereb-e Tiberias nggwe-nen lobok yarik, Nagawan Indo-nen Mbal Pem Nagawan wa yak turuk, mburu tembet ondosola ningga sa eralu na kondok yil lobok yij-o.

YIDNAK YIDNAK WENE 27:35

Iri yak undurug-e, oroti mburu wanuruk, it pidsa inmbiri bem-et Mbal Pem Nagawan wa yak turuk, ndeksa ninggij-o.

OROMA 14:6

Hari misik nggulok tak pusu nap iri-ge iri kwarusu iri-ge Nagawan Indo kek tak ubusu-o. Nde, nunggwi mende ugun nasu nab-e, ”Mbal Pem Nagawan wa-o” luk nasu me, Nagawan Indo kek tak posolat-nen nasu-o. Nde, ugun naso buk nap-nen-e ”Mbal Pem Nagawan wa-o” luk keya busu me, Nagawan Indo kek tak posolat-nen ninggit lak yusu-o.

1 KORINTUS 10:30

An-e Mbal Pem Nagawan wa yak turuk nasola-ge, Mbal Pem Nagawan wa yak turuk iri namin pem noluk an nobok purag-o?” luk yij-o.

1 KORINTUS 11:24

Mbal Pem Nagawan wa yak turuk, ndeksa posolat-nen yosolar-e: ”Mburu yu-ge an nebe kit kenmanggim pidnak-nen yusu-o. Kir-e an yebet yebet tak worabok-nen an-nen kwarusu yu nggal kwarogolat wolmer-o” luk yij-o.