LUKAS 8:8 - Nanduk Ngget Tul Pidnak Wene

⁸ Nde, uwi ereb-e nggweyak konak pem mbamu, mborosolar-e, engen-e seratus nggal irit pij-o” luk yij-o. Yurug-e, Yesus-nen yosolar-e: ”Ta-nen nde eyanggo worak ala-ge, wene yu kuluwag-o!” luk yij-o.

LUKAS 8:8 Iomraidhean Croise

NDAK WIRIDNAK WENE 26:12

Nde, Isak-nen yabu o iri me wanarik yagij-e olengen yagid iri na bem-e yabu wanarig-e uwi-ge mariget pil kagaij-et nde, olengen iri na bem-et ebe mbarosolar-e, mondok terak minik (seratus kali lipat) irit mbarij-o.

NGGOMO WENE 20:12

Neneyanggo iri-ge kulurak amanggim-o. Nde, nenlengen iri-ge kudtak amanggim-o. Mberensa-t Nagawan Indo-nen nak ndak worak pamu-o.

NGGOMO WENE 8:1

Inndi nggat nggat elem-nen ene mbo yosolat, inndi tenggerak elem-nen ene nggoksa yusu ereba koler-o.

MATIUS 11:15

Ta-nen nde eyanggo worak ala-ge, wene yu kuluwag-o.

MATIUS 13:23

Nde, nggweyak konak pem mbidnak uwi iri nggal-e ap-nen aid wene kuluruk, inndi-nen yebet karuk, engen pogolar-e, ereb-e seratus nggal pogolat, ereb-e enam pulu nggal pogolat, ereb-e tiga pulu nggal pogolat yili-o” luk yij-o.

MARAKUS 4:20

Nde, nggweyak konak pem mbid iri na nggal-e, ir-e wene kuluruk wene na ndemeret wanili-o. Wanurug-e, engen kwarat yosolar-e, ereb-e tiga pulu nggal yosolat, ereb-e enam pulu nggal yosolat, ereb-e seratus nggal yili iri nggal-nen yusu-o” luk yij-o.

MARAKUS 4:23

Nde, kulurak keneyanggo worak ala-ge, kwara koler-o” luk yij-o.

MARAKUS 4:8

Nde, uwi ereb-e nggweyak konak pem mbid iri na-nen engen kwarat posolar-e, erep-nen-e tiga pulu nggal posolat, erep-nen-e enam pulu nggal posolat, erep-nen-e seratus nggal pij-o” luk yij-o.

MARAKUS 7:16

Iri bem-e, keneyanggo worak ala-ge, kwara koler-o” luk yak indij-o.

LUKAS 14:35

Mayu undu lak iri-ge yaidnak sa purak na meya, nggweyak amburu rak puwakluk purak na meya ala karuk, mbo nak pugwi-o. Ta-nen nde wene yu kulurak eneyanggo worak ala-ge, wene yu kuluwag-o” luk yij-o.

LUKAS 8:15

Nde, uwi nggweyak konak pem mbid iri na nggal-e, ap-nen aid wene na kulurug-e, inndi konak mot mot iri na bem-et puksa enarem tak puruk, inndi mamak puruk woragolat-nen ebe rak pili iri nggal-nen yusu-o” luk yij-o.

LUKAS 8:7

Nde, uwi ereb-e linggat ndumu mbamu, linggat imin lambuksa mborosolar-e, linggat-nen perena keya buruk, uwi na meya rak pij-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

NAM PARA WENE 13:9

Iri bem-e ta-nen nde eyanggo worak ala-ge, wene yu kuluwag-o!

NAM PARA WENE 2:11

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, mberen pem tak posolat wat momtak elem iri-nen-e andi bandi rak unpuwa bug-o.”

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 3:13

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”

NAM PARA WENE 3:6

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”