LUKAS 8:54 - Nanduk Ngget Tul Pidnak Wene

⁵⁴ Alat nde, Yesus-nen la kwe na inggi tena buruk-nen yosolar-e: ”La kwe yu-ge wa-e. Men min-o!” luk, ene ngguloksa yij-o.

LUKAS 8:54 Iomraidhean Croise

YEREMIA 31:32

Nde, an-nen urul ngget yak indimin iri-ge nanduk it onmborak Mesira-nen lit unpuruk lobok yosolat yak indigi iri na nggal-e lag-o. Nde, an-e it unun nggal kwat yigi-t nde, ir-e an-nen it inmin urul yak indigi iri na-ge ndak ndak kwarigit lak yiga-o.

MATIUS 9:25

Alat nde, ap iri na mbepme langgara inpil warug-e, Yesus na-ge la kwe iri worasu sa nggosolar-e, la kwe na inggi tena posoloma, la kwe na-ge men yij-o.

MARAKUS 1:31

Yak togolikma-ge, Yesus na lobok luk, kwe na inggi tena buruk, mendak obosoloma-ge, embem wuloksa wiridnak na-ge lak yij-o. Iri lug-e, kwe na-ge it ndegel inpij-o.

MARAKUS 8:23

Emengen mbarogolikma-ge, Yesus-nen-e ap erengen ngguru na inggi tenaburuk, o silmu-nen waruk mberarig-e, erengen pem wusi toboksa puruk, inggi tenaburuk-nen kin wok obosolar-e: ”Yawo kar-e yi mende ndi mende mbi kasu, lak, lag-a?” luk kin wok ibij-o.

MARAKUS 9:27

Alat nde, Yesus-nen la na inggi lesa mendak posoloma-ge, at na-ge men yij-o.

LUKAS 8:51

Iri lug-e, Yesus na Yairus omborom wok luk, ma nggweyekluk-nen yosolar-e: ”Ap mbi nggumomtak pug-o” luk, Peterus min Yoanes min Yakobus min la kwe na eid ija min inmin nak ma nggwij-o.

LUKAS 8:53

Yosoloma-ge, la kwe iri na abu wat yidnak enaru me, it pidsa-nen-e Yesus nda wiriga-o.

LUKAS 8:55

Yosoloma-ge, la na tuguruk indi wok yosolar-e, ereya na-net men yij-o. Nde, Yesus-nen it yak ondosolar-e: ”Nunggwi mende mak ter-o” luk yak indij-o.

YOANES 11:43

Iri yuruk, at ene ngguloksa-t yosolar-e: ”Lasarus wa-e. Wasug-o!” luk yij-o.

YOANES 5:21

Nde, an Neid-nen ap wat yidnak mendak unpuruk, unluk tak unpusu nggal, iri nggal-et Ambara an-nen na iri kwat enpeyek peraidnak nab-e unluk tak unpusu-o.

YIDNAK YIDNAK WENE 9:40

Alat nde, Peterus-nen it pidsa mbepme wirik unpuruk, endaru yunggusa kore luk, tepan yij-o. Tepan yuruk, at orogak ambigit nggwe nden kasolat-nen yak tosolar-e: ”Tabita wa-e. Men yi-o” luk yak tosoloma-ge, kwe na erengen penggesa Peterus na yik kasolug-e, kore yij-o.

OROMA 4:17

Mbal Pem Nagawan-nen Abaram yak tosolar-e: ”Kar-e ap enlem kwarat onmbo rak kibigi-o” luk yak tij-o. Nde, urul yak tid iri-ge Mbal Pem Nagawan na imbiri bem-e ob-et worasu-o. Nde, at ebem indi angin tubu yid Mbal Pem Nagawan iri-nen-e wat yidnak nab-e unluk tak posolat, at ene nak-nen lak woraidnak mende-t nde, worak tak posolat yoso-o.