LUKAS 8:50 - Nanduk Ngget Tul Pidnak Wene

⁵⁰ Yak tosoloma, Yesus na wene iri kuluruk, Yairus na yak tosolar-e: ”Kwiye kasu meyog-o. Kat kindi an nebem angin tubu yugun pem-e kara na ki yuwa-o” luk yak tij-o.

LUKAS 8:50 Iomraidhean Croise

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

MARAKUS 5:36

Iri yogola kagir-et Yesus-nen Yawuri nap tepan yugwi sa o winde Yairus na yak tosolar-e: ”Kar-e kwiye kasu-ge meyog-o. Kindi angin tubu yi-o” luk yak tij-o.

MARAKUS 9:23

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

LUKAS 8:48

Yosoloma-ge, Yesus-nen kwe na yak tosolar-e: ”Nara wa-e. Kindi an nebem angin tubu yigen iri-nen ki rak kibij-o. Kalen min-et mbiri-o” luk yak tij-o.

LUKAS 8:51

Iri lug-e, Yesus na Yairus omborom wok luk, ma nggweyekluk-nen yosolar-e: ”Ap mbi nggumomtak pug-o” luk, Peterus min Yoanes min Yakobus min la kwe na eid ija min inmin nak ma nggwij-o.

YOANES 11:25

Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

YOANES 11:40

Yosoloma-ge, Yesus-nen Marata na yak tosolar-e: ” ’Kat kindi angin tubu yosola-ge, Mbal Pem Nagawan kek tak woraso iri-nen idnak amawi kagun-o’ luk yanem-et yak kirigi na-ge lag-a?” luk yak tij-o.

OROMA 4:17

Mbal Pem Nagawan-nen Abaram yak tosolar-e: ”Kar-e ap enlem kwarat onmbo rak kibigi-o” luk yak tij-o. Nde, urul yak tid iri-ge Mbal Pem Nagawan na imbiri bem-e ob-et worasu-o. Nde, at ebem indi angin tubu yid Mbal Pem Nagawan iri-nen-e wat yidnak nab-e unluk tak posolat, at ene nak-nen lak woraidnak mende-t nde, worak tak posolat yoso-o.

OROMA 4:20

Mbal Pem Nagawan-nen urul paga yak tidnak na-ge ar-e indi mberen yigit lak, indi angin tubu yidnak wat tak irit worasolar-e, at indi angin tubu yidnak pem amawi rak obosola-ge, Mbal Pem Nagawan erembel wanosolat woragaij-o.