LUKAS 8:32 - Nanduk Ngget Tul Pidnak Wene

³² Nde, wam kwarat o iri me ndobo amun pem mungga nasolat worasola-ge, kugi na-nen-e wam ereba na arem inpil ngguwakluk Yesus emengen kiri keresa mbariga-o. Yogolikma, Yesus-nen-e: ”Ob-er-o” luk yak indij-o.

LUKAS 8:32 Iomraidhean Croise

1 NAGAWAN NAGAWAN-NEN KWARIDNAK WENE 22:22

Yosoloma, Nagawan Indo-nen yosolar-e: ’Arem yabu wanosolar-e, no kwarugun-o?’ luk kin wanosola, indi iri na-nen yosolar-e: ’An mbirimindik, Akap-nen idnak iri nggal kwat ma-o luk urul pugwi nap oboksa ennesiget yugwi rak inpimin-o’ yosoloma, Nagawan Indo-nen yosolar-e: ’Ob-o. Iri kwari-o. Kat-nen arem yabu mondok wanugun-o’ yosola kuligi-o” luk yak tij-o.

AYUP 1:10

At iri-ge ogwela min ilirak min aringgi arengge min ereba-ge kat-nen pempa nggetlel unpuruk worasu-o. At-nen kwaroso iri-ge kat-nen imbiringgat tak posolat, owam na kat-nen kwarat tak posola, o iri me yebet yurak ndak irit wok tusu-o.

AYUP 1:12

Yosoloma, Nagawan Indo-nen Sere iri na yak tosolar-e: ”Iri ala-ge, ob-o. At arengge mende ereba oboksa kat-nen-e kindi-nen pidnak ereba kwari-o. Alat nde, at ebe perak marig-et tet andi bandi rak purak pug-o” yosoloma, Sere iri na-ge Nagawan Indo eram-nen mbirij-o.

AYUP 2:6

Yosoloma, Nagawan Indo-nen Sere iri na yak tosolar-e: ”Iri ala-ge, ob-o. Kat-nen kwat uburak perasu-ge kwat nak ibi-o. Alat nde mbigija-ge ebe iri perak wururak pug-o” luk yak tij-o.

YESAYA 65:4

It iri-ge kubu-ge kerep yanggo yanggo ereba na me mborogolat, ap yapma inpidnak sa mborogolar-e, ap wat yidnak enngena ereba enpem it-nen kwarurak wene kin wanogolat, wam uno nonggolat, it-nen norak puk wosama ereba na sagidnak amburu nonggolat kwarogolar-et nde,

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

MATIUS 7:6

Marak kopkap lak mende iri-ge yengge wok turak pug-o. Nde, kit kenarengge onggo nggulok pugwi kerep iri-ge wam mbo wok turak pug-o. Wam iri ujok-nen lul lul wosa keya buruk, nden karuk lobok yosolar-e, mbal kunpuwa-o.”

LUKAS 8:31

Yurug-e, kugi na-nen Yesus emengen mbarosolar-e: ”Nab-o. Mbunmu mberak nunpurak pug-o” luk emengen mbarij-o.

LUKAS 8:33

Yosoloma-ge, kugi na-ge ap iri na arem-nen mborogolar-e, wam ereba na arem nggwiga-o. Nggogolar-e, wam ereba na pidsa yul kul mborosolar-e, mberabak nggwe na nggilara yi koma arem nggosolar-e, pip yonggok ndonggok wat yij-o.

YOANES 19:11

Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

NAM PARA WENE 20:7

Nde, olengen seribu (1,000) na woroksa lak yosola-ge, Sere iri-ge o kubu me ibil nggwid na wesera keya ubuwama,