LUKAS 8:18 - Nanduk Ngget Tul Pidnak Wene

¹⁸ Iri bem-e, kit-nen kulidnak wene-ge kwara-t yebet kudtag-o. Enarengge worak nab-e terak mena kwarat wok unduwa-o. Alat nde, enarengge marig-et worak nab-e it endam woraso marig-et ereya na wanuwa-o” luk yij-o.

LUKAS 8:18 Iomraidhean Croise

MATIUS 13:12

Nde, at tena worasu nap iri-ge, erep na min-et tena wolmakluk, nambena wok tuwama-ge, ar-e terak mena kwarat lombok tena wolma-o. Alat nde, at marig-et nak tena worasu nap iri-ge at eram mariget tena woraidnak na mengga wanuwa-o.

MATIUS 25:29

Nde, arengge worak nab-e arengge erep min nambena wok tosola-ge, at arengge-ge kwarat lombok ma-o. Alat nde, arengge lak nab-e at eram marig-et nak woraidnak na oboksa mengga wanuwa-o.

MARAKUS 13:14

Kit-nen yik kagolar-e, lak tak onposo mende meya na imiri worak at wolmomtak puk sa-t nde, men yosola kagub-o. (Engga yu kasu nab-e no yosolat-nen yij-o luk kwara yebet kudtag-o.) Iri tarem-e Yurea woragwi nab-e mondok kwiye ndobo bem mbururag-o.

LUKAS 19:26

Nde, at-nen it yak ondosolar-e: ’An yak kendeyeg-o. Arengge kwarat worak nap ala-ge, terak mena kwarat wok undugwi-o. Alat nde, arengge mariget worak nab-e at eram woraso ereya na at inggem-nen mengga wanugwi-o.

LUKAS 9:44

”An-nen yak kundusu wene yu-ge keneyanggo-nen kuluruk, kwara yebet ker-o. Ap Ambara na iminep wesera ki nap ininggem ubuwa-o” luk yij-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YIDNAK YIDNAK WENE 10:33

Iri bem-nen an-e ndaget nak yonggo kubukmu, kar-e kalen min-et lobok yigen-o. Nde, Nagawan Indo-nen kebem pidnak wene oboksa kuluwokluk nit pidsa Mbal Pem Nagawan imbiri bem ndok wirigerik worali yur-o” luk yij-o.

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

1 KORINTUS 14:37

Ta-nen nde: ”An-e Mbal Pem Nagawan ene lomboksa yoso nap, Konak Indi-nen we tembet ondoso mende wanigi-o” luk perasu nab-e, an-nen mbal kundusu wene yu-ge ndemeret Nagawan Indo-nen yidnak wene-net yusu-o luk yebet kujwag-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

1 KORINTUS 8:2

Ap misik-nen perasolar-e: ”An-e yi elem ndi elem naru-o” luk perasu nab-e at-nen aru momtak mende iri-ge mondok aru buk-net nde yusu-o.

PILIPI 3:4

An-nen perak nde iri mende bem nindi mbung mbung tak wolmomtag-o ob-o. Ap erep-nen nde enaboro-nen kwarugwi mende bem nde inndi mbung mbung tak woragola nggal-e, an perak terak minik nindi mbung mbung tak woraleb-o.

IBERANI 2:1

Iri bem-e, nit wok nunpuruk, nin tula nggwe ninpil mburuwa naru, Mbal Pem Nagawan-nen mul nindidnak wene kulige iri-ge kwara puksa tena wolmog-o.