LUKAS 8:1 - Nanduk Ngget Tul Pidnak Wene

¹ Marig-et nak woraruk, Yesus-e o siri nggok min marik min pidsa aid wene ya yak indilik, Mbal Pem Nagawan-nen tenagaidnak wi wene konak wene na ya yak indilik nosola-ge, at owosirak ap duabelas na at imin-et niga-o.

LUKAS 8:1 Iomraidhean Croise

MATIUS 11:1

Yesus na-ge at owosirak duabelas iri na wene abu mul ondosuluk yarig-e, o iri me keya buruk mborosolar-e, o siri korok korok ereba na aid wene yosolat, wene mirik onposolat kwaril waring kagaij-o.

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MARAKUS 1:39

Iri lug-e, Yesus na-ge Nggalilea wi oboksa waring kasolar-e, Yawuri nap-nen tepan yugwi ma ya nggwilik aid wene yak indil waring kasolat, kugi wirik pil nosolat woragaij-o.

LUKAS 1:80

Nde, Sakaria ambara na-ge ebe nggulok yosolat, indi kwat yij-o. At iri-ge Isarael nap inmbiri bem nam yurak tarem wok yigit lak worala-ge, karu me irit woragaij-o.

LUKAS 20:1

Misik tarem-e Yesus na Mbal Pem Nagawan ama-nen ap mul ondosolat, aid wene yak ondosolat kwat tenak worasoma-ge, tepan omborak nagawan min imiri mbarak pidnak wene enaru nap min Yawuri nap ennggendumu-nen enne kulugwi nap min-e at eram lobok luk,

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 9:6

Yak ondosoloma, at owosirak na mborogolar-e, o siri marik ereba na nggwe nogolar-e, aid wene yak indil nogolat ap ki rak onpogolat kwaril niga-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 13:32

Nde, yawo-ge nit-nen-e konak wene yu yak kindili-o: Mbal Pem Nagawan-nen ’Irit kwarimin-o’ luk nit nenlawingga urul yak indidnak wene na-ge

OROMA 10:15

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.