LUKAS 7:8 - Nanduk Ngget Tul Pidnak Wene

⁸ Nde, an na an nanggul pem-nen yidnak yidnag-et kwaroso-o. An nurugom nap san winde-nen na an-nen yidnak yidnag-et kwarogolar-e, an-nen san winde misik yak tosolar-e: ’Mbiri-o’ luk yak tosola-ge, mborosor-o, at misik yak tosolar-e: ’Lobok yi-o’ luk yak tosola-ge, lobok yosor-o, an-nen an ndegel noboso nap mbi yak tosolar-e: ’Yu kwari-o’ luk yak tosola-ge, irit kwarosor-o” luk Yesus yak tiga-o.

LUKAS 7:8 Iomraidhean Croise

LUKAS 7:7

An-e kat keram wok yurak kwiye-t yusu-o. Iri bem-e we kene bem nak yugunmu-ge, an ndegel noboso nab-e ki ma-o.

LUKAS 7:9

Yak togoloma-ge, iri yidnak wene kulurug-e, Yesus na-nen wi luk, nden yaga ap kwarat at imbirik lobok yili nap iri yak ondosolar-e: ”An-nen yak kendeyeg-o. Ap yu-ge wir-o. Isarael nap ennggendumu-nen na ap inndi angin tubu yidnak yu nggal-e an-e kaso bug-o!” luk yij-o.

YIDNAK YIDNAK WENE 23:17

Yak tosoloma-ge, Paulus-nen san winde sarok mbi wene mbo buruk-nen yak tosolar-e: ”La yu-ge san winde wari eram pil mbiri-o. At-nen yak turak wene mbi worasu-o” luk yak tij-o.

YIDNAK YIDNAK WENE 23:23

Iri rak purug-e, at san winde wari-ne san winde sarok mberen yonggo unpuruk, yak ondosolar-e: ”Yawo kubu nggwe jam sembilan pem-e san winde duaratus (200) min kura wam ombolak pem mburugwi nap tuju pulu (70) min tege wanugwi nap duaratus (200) min Kaisaria mbururak pem-e lid lud tak per-o.

YIDNAK YIDNAK WENE 23:26

”Kunu kek tak woraso pemerinta nap Pelik Gubernor wa-e. An Kelaudias Lisias-nen wa yak kurusu-o.

YIDNAK YIDNAK WENE 23:31

Mbarosola-ge, wene yak indidnak iri na ndak ndag-et kwarogolar-e, san winde-nen kubu nggwe-ge Paulus na Antipateris eram waruk mbiriga-o.

YIDNAK YIDNAK WENE 24:23

Iri lug-e, at-nen san winde sarok na yak tosolar-e: ”At iri-ge togwarag-et wolmomtag-o. Alat nde, angin worak ebem purak pug-o. Nde, anggamirak-nen at ndegel ibil lobok yogola-ge, langgal iniyudtak pug-o” luk yak tij-o.

YIDNAK YIDNAK WENE 25:26

Alat nde, ’Ar-e iri nggal kwaramu-o’ luk an-nen Kaisat amanggim engga mbarurag-e ebe lak ala-ge, nandug-et Nagawan Ageripa kat min kit pidsa kendam na ibil lobok yigi-o. Engga-ge ’Iri nggal-o’ luk mbareyekluk-nen nit-nen at indi ngarul-o.

KOLOSE 3:22

Ap ndegel unpugwi nap wa-e. Yi kwatlik ndi kwatlik kwarogolar-e, nggweyak ma nap kit-nen idnak nagawan nagawan-nen yidnak yidnak nak kwarogolar-e, it-nen yik keneyarok woragola, nam nariya kentembel wanuwakluk nak-nen kwarurak pug-o. Are, ndemeret kit kinndi-net kwarogolat wolmer-o.