LUKAS 7:6 - Nanduk Ngget Tul Pidnak Wene

⁶ Yogolikma-ge, Yesus na it inmin luk mberarik, ap iri na uwi mborom panggo panggo wok yosoma-ge, san winde wari na-nen wene yu yak tuwakluk at anggamirak mbi wirik enpamu-ge, Yesus yak togolar-e: ”Kuwok al masa an nggal nama nggurag-e meya-o.

LUKAS 7:6 Iomraidhean Croise

NDAK WIRIDNAK WENE 32:10

An nggal-et nde kat-nen nabuwa kasolat, an nimin pem kundik worasu yu-ge mondok ijar-o. Nde, an nanduk mborosolat yi Yareren mbarosolar-e, silobulo mbi waruk mbirigir-e lag-o. Are, wangun nak ninggem mbirigi-t nde, yawo an tuguruk lobok yusu yu-nen-e kere mberen tak puruk lobok yusu-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

MARAKUS 5:24

Yesus na-ge at imin luk mbirij-o. Mborosola-ge, ap kwarat at langgaluk mborogolar-e, inmik mik-nen panggona keya biga-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

LUKAS 7:4

Wirik onposola-ge, ir-e Yesus eram mbirigarik at emengen kiri keresa mbarogolar-e: ”Ar-e kat-nen yongga wururag-e ndag-o.

LUKAS 7:5

At iri-ge nit nenlem nap nenabuwa kasolat, nit tepan yugwi wi misig-e at nak-nen worak nonposolat yidnak nap ala-n yige-o” luk yiga-o.

LUKAS 7:7

An-e kat keram wok yurak kwiye-t yusu-o. Iri bem-e we kene bem nak yugunmu-ge, an ndegel noboso nab-e ki ma-o.

LUKAS 8:49

Nde, Yesus na wene yosolat worasoma-ge, Yairus ama-nen lobok yidnak nap mbi-nen Yairus na yak tosolar-e: ”Nab-o. Kat kara na-ge wat yamu me, Mul Nondoso Nap yu wewesa anggun panggun tak purak pug-o” luk yak tij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YAKOBUS 4:10

Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

YAKOBUS 4:6

Alat nde, Mbal Pem Nagawan-nen we wok ondoso elem wok nindid iri-ge nit nenarem pid ukwe ukwe yoso iri nggal-e lag-o. Mondok terak minik amawi worak irit wok nindij-o. Iri bem, Mbal Pem Nagawan engga bem-nen yosolar-e: ”Inndi kek yugwi nab-e Mbal Pem Nagawan-nen ombol wok ondoso-t nde, inndi teberak woragwi nab-e enabuwa kaso-o” yij-o.