LUKAS 7:40 - Nanduk Ngget Tul Pidnak Wene

⁴⁰ Perasoloma-ge, Yesus-nen at yak tosolar-e: ”Simon wa-e. An-nen kat yak kururak mbi worasu-o” luk yosoloma, Simon-nen-e: ”Mul Nondoso Nap wa-e. Yak niri-o” luk yij-o.

LUKAS 7:40 Iomraidhean Croise

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 26:49

Yuras na-ge ndag-et nak Yesus eram mberarak, at yak tosolar-e: ”Nggomo Nondoso Nap wa-e. Nap wa-o” luk paluksa wa yak tij-o.

MATIUS 7:22

Worok tak puwa tarem-e ap kwarat-nen an yak norogolar-e: ’Nagawan Indo wa-e. Nagawan Indo wa-e. Nir-e kat kunu bem-et aid wene ap yak ondogolat, kat kunu bem-et kugi wirik pogolat, kat kunu bem-et kwiye worak mende kwarat kwarige na-t nde-o!’ luk yuwa-o.

LUKAS 18:18

Yawuri nap nagawan misik-nen Yesus kin wok obosolar-e: ”Mul Nondoso Nap konak nap wa-e. Nurug-et woralik nalik wolmomtak elem waneyeklug-e, no kwarimin-o?” luk kin wanij-o.

LUKAS 5:22

Nde, Yesus na it-nen yebet kaiga wene iri na aru luk-nen yak ondosolar-e: ”Noluk-nen kinndi arem iri nggal yebet kali-o?

LUKAS 5:31

Yogolikma-ge, Yesus-nen it yak ondosolar-e: ”Ap ki-nen-e ndoktet ukwe-ge lag-o. Alat nde, kugi worak nap-nen perak nde ndoktet ukwe-o.

LUKAS 6:8

Alat nde, Yesus na it inndi-n yebet kaidnak na aru luk-nen inggi nggorak nap na yak tosolar-e: ”Kar-e men luk, ndumu yu me men yil lobok yi-o” luk yak tosoloma-ge, ap iri na men yil mbirij-o.

LUKAS 7:39

Yesus imin ”Totno nog-o” yak tid Parisi nap na-ge kwe iri-nen kwaridnak karuk, at arem-nen perasolar-e: ”Ap yu nde ndemeret Mbal Pem Nagawan ene lomboksa yoso nap nggal-e, at tenabusu kwe na aru yosolat, uwingga mbaroso kwe-nen yusu-o luk yenggerak peleb-o!” luk peragaij-o.

LUKAS 7:41

Yosoloma-ge, Yesus-nen yosolar-e: ”Mberen nap-nen-e ap misik ebem tuguruk uwi yagurak pem uang-e misig-e limaratus urupia nggal, nde, misig-e limapulu urupia nggal wanigarik woraiga-o.

YOANES 13:13

Kit-nen an yak norogolar-e: ’Mul Nondoso Nap wa-e’ yogolat, ’Nagawan Indo wa-e’ yogolat yili iri-ge ndemeret ndak ndag-et yak nitli-o.

YOANES 16:19

Yogolikma-ge, it-nen at kin wok uburak peraidnak na yenggerak karuk, Yesus-nen it yak ondosolar-e: ” ’Siyag-et nak worarug-e an neyagup pug-o. Iri luk, siyag-et nak woraruk, an neyagup-o’ luk yak kindigi na bem kir-e kin wok kerak mbili-a?

YOANES 16:30

Kar-e yi wene ndi wene pidsa karu-o luk yawo nenaru yili-o. Ap misik-nen kin wok kuburag-e meya-o. Iri bem-e, kar-e Mbal Pem Nagawan eram-nen lobok yidnak nap-nen yusu-o luk ninndi angin tubu yige-o” luk yiga-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.