LUKAS 7:37 - Nanduk Ngget Tul Pidnak Wene

³⁷ Nde, uwingga mbaroso kwe misig-e o iri me woragaij-o, ”Yesus-e Parisi nap ama nggwarik, nunggwi mende nasu-o” yogola kulurug-e, kwe na-nen enben worak amburu kenanggo yimbe mbi-ge at eram waruk lobok yarig-e,

LUKAS 7:37 Iomraidhean Croise

MATIUS 21:31

Nde, li mberen iri na-ge at eid indi-n pidnak kwarij-e ta kali-o?” luk yak ondosoloma-ge, it-nen yogolar-e: ”Ambara manggu irir-o” luk yogola-ge, Yesus-nen it yak ondosolar-e: ”An-nen yak kendeyeg-o: Mbal Pem Nagawan-nen tenagaidnak wi nggogolar-e, kit abok tak kunpurak, pemerinta enmanggim tol ndok wurugwi nap min terak ye inpil nugwi kwami min, it nanduk nde nggwili-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

LUKAS 19:7

Iri kwarosola kaiga nap pidsa-nen unlum ne yol ngol mbogolar-e: ”E! Ar-e meya yoso nap na ama worayekluk mburusu-o!” luk yiga-o.

LUKAS 5:30

Nonggolat woragola-ge, Parisi nap erep min imiri mbarak pidnak wene enaru nap erep min-nen-e insili karug-e, Yesus owosirak yak ondogolar-e: ”Kir-e noluk-nen pemerinta enmanggim tol ndok wurugwi nap min meya yugwi nap erep min inmin totno nunggwi mende nili-o?” luk yiga-o.

LUKAS 5:32

An-e konak nap wene mbo enpeyekluk lobok yigit lag-o. Are, meya yugwi iri na it meya yidnak keya buruk, kondok makluk wene mbo enpeyekluk lobok yigi-o” luk yij-o.

LUKAS 7:34

Nde, Ap Ambara an lobok yosolar-e, mburu min yi min nasola-ge, kit-nen yogolar-e: ’Suguru kondosolat, anggut engen amburu ndonggosa nasolat, pemerinta enmanggim tol ndok wurugwi nap min meya yugwi nap min ananggam kwat yosolat yusu yu ker-o!’ luk yak nirigeb-o.

LUKAS 7:36

Parisi na misik unu-ge Simon-nen Yesus yak tosolar-e: ”Mburu totno nog-o” luk yak tosoloma-ge, Yesus na ap iri na ama nggwarik, mburu nasolat koreyak woragaij-o.

YOANES 11:2

(Nde, Maria iri-ge Nagawan Indo ijok pem emben konak amburu kuluruk, at anggulsu-nen at ijok ndogwarak pid kwe-ge iri nar-o. Nde, kwe iri na owe Lasarus-e kugi worak woragaij-o.)

YOANES 9:24

Iri yogola-ge, ap nanduk erengen ngguru woragaid na tuguruk wene mbo uburuk-nen at yak togolar-e: ”Kar-e Mbal Pem Nagawan imbiri bem-e ndemeret lud tag-et yi-o. Ap iri-ge nir-e nenaru-o. Meya yoso nap-net yusu-o” luk yak tiga-o.

YOANES 9:31

Meya yugwi nap-nen yidnak wene Mbal Pem Nagawan-e koloso bug-o luk nenaru nar-o. Alat nde, at unu kek tak pugwi nap min at indi-n pidnag-et kwarugwi nap min-nen yidnak wene perak nde, ar-e koloso-o.

OROMA 5:8

Alat nde, nir-e meya yugwi nap woragola, Kerisut-e nenmanggim wat yamu me, iri bem-nen Mbal Pem Nagawan-nen nit nenabuwa kaso elem mirik ninpij-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

1 PETERUS 4:18

Nde, Mbal Pem Nagawan engga bem-nen yosolar-e: ”Lud tak nak kwarugwi nap na inmiri yurag-e angin worag-et ala-ge, lud tak kwarugwi buk nap min meya kwarugwi nap min-e ngge kwat unpuwa-o?” luk yij-o.