LUKAS 7:34 - Nanduk Ngget Tul Pidnak Wene

³⁴ Nde, Ap Ambara an lobok yosolar-e, mburu min yi min nasola-ge, kit-nen yogolar-e: ’Suguru kondosolat, anggut engen amburu ndonggosa nasolat, pemerinta enmanggim tol ndok wurugwi nap min meya yugwi nap min ananggam kwat yosolat yusu yu ker-o!’ luk yak nirigeb-o.

LUKAS 7:34 Iomraidhean Croise

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

MATIUS 5:46

Nde, kit-nen nde kit kenabuwa kagwi nap iri na nak enabuwa kagola-ge, no bem Mbal Pem Nagawan-nen onggo wok kunduwa-o? Pemerinta enmanggim tol ndok wurugwi nap-nen na iri nggal kwarugwi-net yusu-o!

MATIUS 9:11

Nonggolat woragola, Parisi nap-nen eneyarug-e, it-nen Yesus owosirak yak ondogolar-e: ”Nggomo Ondoso Nap iri-ge noluk-nen tol ndok wurugwi nap min meya nak kwarugwi nap min iri na inmin totno nasolat worasu-o?” luk yak indiga-o.

LUKAS 11:37

Yesus na wene na yuruk keya bosola-ge, Parisi nap mbi-nen at ama mburu totno norak pem yonggo posoloma, Yesus na at ama mberarik, mburu nayekluk kore yij-o.

LUKAS 14:1

We woragwi tarem misik pem Yesus na mberarik, Parisi nap ene kulugwi nap mbi ama-nen nunggwi mende nasola-ge, ap iri me-nen-e kwara abut mbarogolat woraiga-o.

LUKAS 15:2

Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.

LUKAS 19:7

Iri kwarosola kaiga nap pidsa-nen unlum ne yol ngol mbogolar-e: ”E! Ar-e meya yoso nap na ama worayekluk mburusu-o!” luk yiga-o.

LUKAS 5:29

Iri luk, Lewi na-ge at ama-nen Yesus ijok kerengge nggulok mbi sagosola-ge, pemerinta enmanggim tol ndok wurugwi nap kwarat min ap erep min-e it inmin totno ningga-o.

LUKAS 7:33

Ap yi maroso nap Yoanes na lobok yarig-e, mburu min anggut engen amburu min ninggit lak, we worasola-ge, kit-nen yogolar-e: ’Ap yu-ge kugi arem nggwarik-nen yusu-o!’ luk yigeb-o.

LUKAS 7:35

Iri alat nde, Mbal Pem Nagawan indi lud tak elem na wanugwi nap-nen-e yu-ge ndemeret wene-nen yusu-o luk enaru rak pili-o” luk yij-o.

LUKAS 7:36

Parisi na misik unu-ge Simon-nen Yesus yak tosolar-e: ”Mburu totno nog-o” luk yak tosoloma-ge, Yesus na ap iri na ama nggwarik, mburu nasolat koreyak woragaij-o.

YOANES 12:2

Iri me-nen-e Yesus amanggim nunggwi mende saiga-o. Nde, nunggwi mende na nonggolar-e, Lasarus na-ge it erep inmin Yesus imin koreyak woragola-ge, Marata-nen nunggwi mende mak ondosolat woragaij-o.

YOANES 2:2

Nde, kwe wanosolat nunggwi mende sakola tarem na-ge Yesus min at owosirak inmin yonggo inpiga-o.