LUKAS 7:33 - Nanduk Ngget Tul Pidnak Wene

³³ Ap yi maroso nap Yoanes na lobok yarig-e, mburu min anggut engen amburu min ninggit lak, we worasola-ge, kit-nen yogolar-e: ’Ap yu-ge kugi arem nggwarik-nen yusu-o!’ luk yigeb-o.

LUKAS 7:33 Iomraidhean Croise

MATIUS 10:25

Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 3:1

Iri tarem-e Yoanes, ap yi mat onposo nap na lobok yarik, Yurea karu me woralat-nen aid wene yoso tel korosolat-nen yosolar-e:

MATIUS 3:4

At Yoanes na usum-e unta wam usu-nen konidnak, nde, usum ngonok tak poso tani are-ge aboro-nen konidnak, nde, at naso mende-ge sil min tamuk amburu min naso-o.

MARAKUS 1:6

Woralar-e, Yoanes usum-e unta wam usu-nen yaidnak sum yorosolat, ubugulwak kere-ge aboro ngarak-nen logoksa yirik woralat, nde, at naso-ge sil min tamuk amburu min naso-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 7:32

It iri-ge li marik marik onggo wanugwi sa enarik tik enarik tak lom wosa koreyak woragolat-nen yak kerak mbogolar-e: ’Nir-e ndawi ebe yobokluk, ndawi imid yige-t nde, kir-e ebe yigit lag-o! Nir-e yip tobokluk, yip lilan wanige-t nde, kir-e yip tigit lag-o!’ luk yugwi iri nggal-nen yili-o.

LUKAS 7:34

Nde, Ap Ambara an lobok yosolar-e, mburu min yi min nasola-ge, kit-nen yogolar-e: ’Suguru kondosolat, anggut engen amburu ndonggosa nasolat, pemerinta enmanggim tol ndok wurugwi nap min meya yugwi nap min ananggam kwat yosolat yusu yu ker-o!’ luk yak nirigeb-o.

YOANES 10:20

Iri yogolar-e, it erep kwarat-nen yogolar-e: ”At yu-ge kugi arem nggwidnak, indi wawa-nen yusu-o! Kit noluk-nen at-nen yidnak wene kulili-o?” luk yiga-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

YIDNAK YIDNAK WENE 2:13

Nde, it erep-nen it na nda ondogolar-e: ”Lag-o. It yu-ge anggut engen amburu undu nektak me, inmbitsa ninggidnak-nen yili-o” luk yiga-o.