LUKAS 7:19 - Nanduk Ngget Tul Pidnak Wene

¹⁹ Nagawan Indo eram wirik enpamu, at kin wok obogolat-nen yogolar-e: ”Abok lobok yuwa-o yili nap na-ge kar-et, lak? Are, nin nap lobok yuwa-o luk yik karok wulmul, lak, ngge-o?” luk yak tuwakluk wene enpem pamu-ge.

LUKAS 7:19 Iomraidhean Croise

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

YESAYA 11:1

Ndaut-nen wigarag-e e ndaridnak undugul iri nggal-nen yusu-o. E ndaridnak undugul pem-nen isit laso iri nggal, Ndaut-nen wigarak enpem-nen nagawan misik men ma-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MARAKUS 6:7

Iri luk, at-nen at owosirak na yonggo unpuruk, ir-e mberen lombok mberen lombok wirik onposolar-e, it-nen kugi meya iri na wirik puwakluk amawi wok unduruk,

LUKAS 10:1

Iri rak purug-e, Nagawan Indo-nen ap erep tujupulu lenak unpuruk, mberen lombok at waring kudtak o ereba na me at abuwok it nanduk wirik inpij-o.

LUKAS 11:1

Misik tarem-e mbi me-nen Yesus na tepan yosolat woragaij-o. Tepan yaga keya bosola-ge, at owot mbi-nen at yak tosolar-e: ”Nagawan Indo wa-e. Yoanes-nen tepan yurak at owosirak na mul ondosolat woragaid na nggal, nit na iri nggal kwasa mul nindi-o” luk yij-o.

LUKAS 11:39

Iri ala-ge, Yesus-nen at yak tosolar-e: ”Nde, kit Parisi nap-nen-e yimbe min piring min marogolar-e, ombol nggwe nak matli-t nde, arem nggwe kopkap woraso nggal, iri nggal-et kit kenmawi bem ap enarengge mengga wanugwi min meya kwarugwi min-nen kit kenarem yebet yidnak worasu-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

LUKAS 13:15

Yosoloma-ge, Nagawan Indo-nen at yak tosolar-e: ”Kennesiget siget yugwi nap wa-e. We woragwi tarem-et nde, kit pidsa-nen-e konowam lembu wam nde kelerai wam nde at uwi ma-nen tu kuwara wirik puruk, yi mak til mburugwi bug-a?

LUKAS 17:5

Nde, wirik inpidnak nap-nen Nagawan Indo yak togolar-e: ”Nit ninndi angin tubu yidnag-e kwara amawi rak pi-o” luk yiga-o.

LUKAS 17:6

Yogolikma-ge, Nagawan Indo-nen yosolar-e: ”Kit kinndi angin tubu yidnak nde sawi uwi kubuk lan iri nggal woragolat-nen nde, e wariya yu yak togolar-e: ’Kar-e konoksa yi koma arem yak yil mbiri-o’ yak togola-ge, kit-nen yak tugup iri nggal-et kwaruwa-o” luk yij-o.

LUKAS 18:6

Iri yuruk, Nagawan Indo-nen yosolar-e: ”Wene mbaroso nap mot mot kwaroso buk-nen yidnak wene iri kwara yebet ker-o.

LUKAS 19:8

Nde, Sakius ama nggwigarik woragolar-e, Sakius na men luk, Nagawan Indo yak tosolar-e: ”Nagawan Indo wa-e. An narengge pidsa erep menggesa ereb-e insilobulo lak nap tembesa wok indimin-o. Nde, an-nen onmbol pem laruk enarengge wanidnak nap na enarengge uwi yak ondosolar-e, ondolmasa empat pem wok indimin-o” luk yij-o.

LUKAS 22:61

Yosoloma-ge, Nagawan Indo na nden karuk, Peterus na yik kasoloma-ge, Peterus na-ge Nagawan Indo-nen at yak tosolar-e: ”Yawo o nda yigit lak ma, towe wam kusi ene yigit lak ma-net kenan tarem an nimin-e: ’Ap iri-ge an-e naru bug-o’ yugun-o” luk yak tid iri na indi yebet kagaij-o.

LUKAS 24:34

Nde, it-nen ap mberen na yak ondogolar-e: ”Nagawan Indo na ndemeret uruk yamu-o! At na at-net Simon imbiri bem nam agaij-o!” luk yak indiga-o.

LUKAS 7:13

Wagola-ge, Nagawan Indo Yesus-nen kwe na kasoluk, at abuwa-nen yak tosolar-e: ”Yip tusu meyog-o” luk yak tij-o.

LUKAS 7:20

Mberen nap na Yesus eram wok luk-nen at yak togolar-e: ”Ap yi maroso nap Yoanes-nen kat kin wok kubuwakluk, kat keram wirik ninpil lobok yosolar-e, yu nggal yij-o: ’Abok lobok yuwa yili nap na-ge kar-et, lak? Are, ap misik lobok yuwa-o luk yik karok wulmul-a?’ luk yij-o” luk yiga-o.

YOANES 11:2

(Nde, Maria iri-ge Nagawan Indo ijok pem emben konak amburu kuluruk, at anggulsu-nen at ijok ndogwarak pid kwe-ge iri nar-o. Nde, kwe iri na owe Lasarus-e kugi worak woragaij-o.)

YOANES 4:1

”Yesus-nen ap wok unpuruk, yi mat unpusu nab-e kwarar-et nde, Yoanes-nen ap wok unpuruk yi mat unpusu nab-e wonarak nggal-o” luk yidnak wene-ge Parisi nap-nen kuliga-o.

YOANES 4:25

Yak tosoloma-ge, kwe na-nen at yak tosolar-e: ”Mesias unu misig-e Kerisut iri-ge lobok yuwa-o luk an-e naru-o. Nde, at iri na lobok yuwarig-e, yi mende ndi mende pidsa kwarurak iri yak nunduwa-o” luk yij-o.

YOANES 6:23

Nde, e koma ereb-e Tiberias nggwe-nen lobok yarik, Nagawan Indo-nen Mbal Pem Nagawan wa yak turuk, mburu tembet ondosola ningga sa eralu na kondok yil lobok yij-o.

YOSUA 2:1

Nde, misik tarem-e Nun ambara Yosua-nen-e o Sitim iri me-nen ap mberen enlengen waruk Kanaan wi wirik inpij-o. Wirik onposolat-nen yak ondosolar-e: ”We mbik mbok nak Kanaan wi min nggog-e o siri Yeriko min kwara mbenarurag-o” yak ondosoloma-ge, ap mberen ya na-ge mbiriga-o. Mbirigarig-e, kwe terak yebil nugwi unu-ge Arakap iri na ama nene yiga-o.

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.