LUKAS 7:16 - Nanduk Ngget Tul Pidnak Wene

¹⁶ Iri kwarosola-ge, it pidsa-ge kwiye-nen pabok puruk, Mbal Pem Nagawan erembel wanogolar-e: ”Mbal Pem Nagawan ene lomboksa yoso nap nggulok mbi-ge nit nennggendumu nam agaij-o!” yurug-e, ”Mbal Pem Nagawan-nen-e at elem nap inmiri yurak pem lobok yij-o!” luk yiga-o.

LUKAS 7:16 Iomraidhean Croise

NDAWI ENGGA 65:9

Nggweyak iri-ge kat-nen yik karok woralar-e, ebem talme mberak pusu-o. Kat-nen alim tak posola-ge, ebe-ge kwarat yusu-o. Yi oboksa kat-nen kobongsa ebe rak pil lobok yusu-o. Kat-nen nggandum mbato-ge it enmanggim lid lud tak pusu-o. Iri nggal kwasa kat-nen lid lud tak pusu-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

MATIUS 15:31

Iri ala-ge, ap kwarat iri-nen yik eneyaiga nggal, enne lak yidnak nap na enne yogolat, unuwok kambung puk tak woragwi na ki yogolat, ya landok nugwi na motsa mborogolat, enlengen ngguru na enlengen-nen kagwi jogolat eneyaruk, it-nen-e Isarael nap Enmbal Pem Nagawan erembel waniga-o.

MATIUS 21:11

ap mondok kwarat iri-nen wene erep nggarogolar-e: ”At yu-ge Mbal Pem Nagawan ene lomboksa yoso nap Yesus, Nggalilea wi o Nasaret woraso nap-nen yusu-o” luk yiga-o.

MATIUS 28:8

Iri rak puruk, kwami na kwiye min-et nde, enalen kwarat luk at owosirak wene na yak unduwokluk ndaget nak puburak mbiriga-o.

MATIUS 9:8

Iri kwarosola karuk, ap kwarat na-nen kwiye luk, Mbal Pem Nagawan-nen amawi nggulok iri at wok tidnak ala karuk, Mbal Pem Nagawan erembel waniga-o.

LUKAS 1:65

Worala-ge, at imin o siri misikmu woragwi nap pidsa-nen kwiye karug-e, iri kwaridnak wene-ge o Yurea wi ndobo worak sa woragwi nap ennggendumu-ge wigak yij-o.

LUKAS 1:68

”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

LUKAS 2:20

Iri rak puruk, lomba wam yik karok woragwi nap na mborogolar-e, it-nen kuliga min kaiga min iri-ge aid nap-nen yak indidnak na nggal-et ndak ndak ala karuk, Mbal Pem Nagawan erembel wanogolat, at unu kek tak pogolat kwaril mbiriga-o.

LUKAS 24:19

Yak tosoloma-ge, Yesus-nen it kin wok onposolar-e: ”No kwaridnak min yili-o?” luk yosoloma-ge, it-nen yogolar-e: ”Nasaret nap Yesus na kwat ibidnak wene nde yige-o. At iri-ge Mbal Pem Nagawan ene lomboksa yoso nap me, at-nen yoso min at-nen kwaroso min iri-ge Mbal Pem Nagawan min ap oboksa min-nen yik kagolar-e, ar-e amawi worak irit kagwi-o.

LUKAS 5:26

Iri kwarosola karuk, it pidsa-nen wi langgu mbatluk, Mbal Pem Nagawan erembel wanogolat, kwiye min-et yogolar-e: ”Yawo kwiye worak mende nggulok irit nenlengen-nen kaige-o!” luk yiga-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

LUKAS 7:15

Yosoloma-ge, wat yidnak na men luk, koreyak worasolar-e, wene ndirij-o. Wene ndorosola-ge, la iri na-ge Yesus-nen at ija eram pij-o.

LUKAS 7:39

Yesus imin ”Totno nog-o” yak tid Parisi nap na-ge kwe iri-nen kwaridnak karuk, at arem-nen perasolar-e: ”Ap yu nde ndemeret Mbal Pem Nagawan ene lomboksa yoso nap nggal-e, at tenabusu kwe na aru yosolat, uwingga mbaroso kwe-nen yusu-o luk yenggerak peleb-o!” luk peragaij-o.

LUKAS 8:37

Iri lug-e o Nggerasa woragwi nap pidsa kwiye-nen pabok purug-e. Yesus yak togolar-e: ”Nit nenma yu me wolmomtak pug-o. Mbiri-o” luk yak togoloma, Yesus na e koma arem ngguruk, mbirij-o.

LUKAS 9:19

Yosoloma-ge, it-nen yogolar-e: ”Ap erep-nen kar-e ap yi maroso nap Yoanes nde keberali-o. Nde, ap erep-nen-e kar-e Elia nde keberali-o. Nde, arep-nen-e: ’Lag-o. Nanduk Mbal Pem Nagawan ene lomboksa yugwi nap yeba na misik uruk yarik-nen yusu-o’ luk keberali-o” luk yiga-o.

YOANES 1:21

Yak ondosoloma-ge, it-nen kin wok obogolar-e: ”Iri ala-ge, kar-e ta-o? Kar-e Elia-nen yusu, lak?” luk yogola-ge, at-nen yosolar-e: ”Iri-ge lag-o” luk yij-o. ”Nde, kar-e Mbal Pem Nagawan ene lomboksa yoso nap na-nen yusu, lak?” luk yogola-ge, at-nen-e: ”Lag-o” luk yij-o.

YOANES 1:25

Yoanes na kin wok obogolar-e: ”Kar-e Kerisut min Elia min Mbal Pem Nagawan ene lomboksa yoso nap na min-e lag-o yigen yu-t nde, kar-e noluk-nen ap yi ma unpusu-o?” luk yiga-o.

YOANES 4:19

Yosoloma-ge, kwe na-nen yosolar-e: ”Kar-e Mbal Pem Nagawan ene lomboksa yoso nab-et keyagi-o” yurug-e,

YOANES 6:14

Nde, Yesus-nen kwiye worak mende nggulok iri kwarosola kaiga nap-nen yogolar-e: ” ’Mbal Pem Nagawan ene lomboksa yoso nap misik nggweyak ma yu me lobok yuwa-o’ yugwi na-ge ndemeret yu-t lobok yamu kaige-o!” luk yiga-o.

YOANES 9:17

Iri ala-ge, Parisi nap-nen ap yu na tuguruk kin wok obogolar-e: ”Kat-nen-e kat kerengen kuwarak pid nap iri-ge ta-o luk eberasu-o?” luk kin wok obogoloma-ge, at-nen yosolar-e: ”Ar-e Mbal Pem Nagawan ene lomboksa yoso nap-nen yusu-o” luk yij-o.

YIDNAK YIDNAK WENE 5:5

Yosola-ge, Ananias na wene iri na kuluruk, ereya-net mbud yosolar-e, indisep worok yij-o. Alama-ge, iri wene kuliga nap pidsa-nen kwiye kwarat kaiga-o.

YIDNAK YIDNAK WENE 7:37

Nde, Musa-net Isarael nap yak ondosolar-e: ’Mbal Pem Nagawan-nen an mendak nibid iri nggal-et kit konowe konowosi ennggendumu-nen na Mbal Pem Nagawan ene lomboksa yoso nap mbi kenmanggim mendak puwa-o’ luk yak indij-o.

NGGALATIA 1:24

Kulurug-e, an nebem ala, Mbal Pem Nagawan erembel wanogolat woraiga-o.

TUGURUK YIDNAK WENE 18:15

Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o.