LUKAS 6:8 - Nanduk Ngget Tul Pidnak Wene

⁸ Alat nde, Yesus na it inndi-n yebet kaidnak na aru luk-nen inggi nggorak nap na yak tosolar-e: ”Kar-e men luk, ndumu yu me men yil lobok yi-o” luk yak tosoloma-ge, ap iri na men yil mbirij-o.

LUKAS 6:8 Iomraidhean Croise

YESAYA 42:4

Ar-e indi kabak yigit lak, tugup lak iri-net at-nen mot mot kwaroso elem iri na-ge nggweyakma yu me nggok tak puwa-o. O erepma nin sa woragwi-nen-e at-nen mul ondoso wene kulurak indingen ma-o” luk yij-o.

MATIUS 9:4

Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

MARAKUS 3:3

Yesus-nen inggi nggorak nap iri na yak tosolar-e: ”Enggendumu ya-t men min-o” luk yak tij-o.

LUKAS 13:12

Nde, Yesus-nen kwe iri na karuk, ene ngguloksa yak tosolar-e: ”Niya wa-e. Kat andi kaso mende-ge lak tak kibigi-o” luk yak tij-o.

LUKAS 5:22

Nde, Yesus na it-nen yebet kaiga wene iri na aru luk-nen yak ondosolar-e: ”Noluk-nen kinndi arem iri nggal yebet kali-o?

LUKAS 6:9

Iri lug-e, Yesus-nen it yak ondosolar-e: ”Wene yu nde kin wok kenpeyeg-o: We woragwi tarem-nen kwarurak ndag-e ngge nde perali-o? Ap yongga undurag-e op, lak? Ap meya rak unpurak nde ob-a? Ap inmiri yurak nde op, lak? Are, ap undurak nde ob-a?” luk kin wok inpij-o.

YOANES 2:25

At-nen-e ap inndi arem-nen peragwi mende oboksa aru me, ap-nen-e: ”Ki nap inndi arem-e iri nggal peragwi-o” luk at yak turag-e lag-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YOANES 9:4

An nibil lobok yidnak nap-nen kwaroso mende-ge o lengge worala-net kwarogolat wolmog-o. O ndamuk ma-o. Nde, o kubu yosola-ge, ap misiger-o luk tet yabu wanurag-e meya-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

YIDNAK YIDNAK WENE 26:26

Iri kwaridnak pidsa-ge nagawan Ageripa na aru me, an-nen at nam-et nak yak turag-e te-nen yusu-o. Wene yu-ge kura ma-nen kwaridnag-e lak me, ar-e mondok pidsa arur-o luk perasu-o.

PILIPI 1:28

Kit kinmin sirid nap-nen-e mondok kwiye rak kunpuwa bug-o. Kir-e it enaye kagit lak yogola-ge, ”E! It yu-ge nit lak tak nunpuwa-o” luk yenggerak kunpuwa-o. Nde, Mbal Pem Nagawan-nen perak nde kit kinmiri yuwa-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.