LUKAS 6:49 - Nanduk Ngget Tul Pidnak Wene

⁴⁹ Alat nde, an-nen yidnak wene kulurug-et nde, iri na ndak-ndak kwarusu buk nab-e, o wirid nap mbi nggal-nen yusu-o. Ap iri-nen o worosolar-e, o mabin pigit lak, we nggweyak pem wiridnak me, yi ebe wasolar-e, o iri na wat kasolar-e, ndag-et nak tud tak pij-o. Tud tak posola-ge, mijara nari warisa labuk yij-o!” luk yij-o.

LUKAS 6:49 Iomraidhean Croise

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

OSEA 4:14

Alat nde, an-nen-e it-nen kwatli iri bem-e angin worak enpem pimin pug-o. Iri kwatli iri-ge kit-nen na kugwiwak uwi ereba me yabu wanogolat, mbabi yugwi kweyap ereba na endam mborogolat, it inmin totno kugwiwak ereba na amanggim wam wosa kan pogolat kwatli iri bem-nen it enpem wene pimin pug-o. ’Mbal Pem Nagawan-nen yidnak wene kwara yebet kagwi buk enlem ereba-ge mondok lag-et ma-o’ luk yugwi na-ge ndemerer-o.

MATIUS 23:3

Iri bem-e, kit-nen-e it-nen yak kunduwa wene-ge mondok kwarurag-o. Nde, it-nen yugwi wene na mondok kulurag-et nde, it-nen kwarugwi iri perak nde kwarurak pug-o. It ereba-ge it ondomok-nen yugwi wene iri na kwatli bug-o.

MATIUS 24:10

Nde, iri tarem-e ap kwarat-nen it inndi angin tubu yidnak na keya buwa-o. It na it-net enare pegerak mbogolat, it na it-net nisili kisili yogolat ma-o.

MARAKUS 4:17

it inndi arem-e emengen mbigit lak me, marig-et nak tugup lak worarug-e, aid wene wanidnak iri na bem anggun worak mende enpem mbosolat, lel mberel onpogola-ge, ir-e ndag-et nak aid wene keya bili irir-o.

LUKAS 12:47

Nde, ndegel oboso nab-e at eid indi-n pidnak iri aru-net nde, lid lud tak pigit lak, eid iri na indi-n pidnak kwarusu buk nab-e nggambu andi kwarat kujwa-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

LUKAS 6:48

Iri kwaroso nab-e o wiridnak nap misik nggal-nen yusu-o. O wereyeklug-e, nggweyak lilara mbid mbij-e o mabin-e kerep pem puruk wirij-o. Worak puruk worasoma-ge, yi ebe wasolar-e, o na wat kagaij-et nde, o iri-ge paro kerep pem pidnak me, landera mbud tak pigit lag-o.

LUKAS 7:1

Yesus-nen-e wene iri na ap mondok mul ondosolug-e, Kaperenaum wi mbirij-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YIDNAK YIDNAK WENE 20:29

Nde, an-e naru-o. An mburumu nimbirig-e, isilepma worak ndakngge-nen kit kennggendumu ngguwasolar-e, lomba wam ndok worak iri mondok keya buwa-ge lag-o.

YIDNAK YIDNAK WENE 26:11

Yawuri nap-nen tepan yugwi ma pidsa-nen-e an-nen pempa it ereba na andi bandi rak inpil nosolat, ’Kinndi angin tubu yidnak na keya ber-o’ luk yak ondosolat woragi-o. It enpem nisilepma kwarat purug-e, nin nap enma-t nde, langgal unpuruk mboroso-o.

1 TESALONIKA 3:5

Iri bem-e, an nindi wolmom puk ala, kit kinndi angin tubu yidnag-e ngge kwarak worali-o luk naru yekluk Timotius wirik ibil lobok yigi iri-o. Sere-nen kit kenarem woraga pil ngguwama, nit-nen wanidnak yabu-ge ebe lak mende ma-o luk numud-nen yigi-o.

2 PETERUS 2:20

Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.