LUKAS 6:48 - Nanduk Ngget Tul Pidnak Wene

⁴⁸ Iri kwaroso nab-e o wiridnak nap misik nggal-nen yusu-o. O wereyeklug-e, nggweyak lilara mbid mbij-e o mabin-e kerep pem puruk wirij-o. Worak puruk worasoma-ge, yi ebe wasolar-e, o na wat kagaij-et nde, o iri-ge paro kerep pem pidnak me, landera mbud tak pigit lag-o.

LUKAS 6:48 Iomraidhean Croise

2 SEMUEL 22:2

Nagawan Indo kar-e an kura noboso elem-nen yusu-o. Kar-e an namawi elem-nen yusu-o.

2 SEMUEL 22:32

Mbal Pem Nagawan iri-ge nit nenambigit nak yoso me, Mbal Pem Nagawan-e Nagawan Indo iri nak-nen yusu-o.

2 SEMUEL 22:47

Nagawan Indo-ge uruk nak woraso-o! Nambigit Yoso iri nak erembel waner-o! Nimiri yoso Mbal Pem Nagawan kek tak woraso anggu obok nak nggok tak per-o!

2 SEMUEL 22:5

An-e wat yugwi elem-nen lop lop tak nobosolat, lak tak onposo elem-nen yemendak nobosolat yij-o.

2 SEMUEL 23:3

Yakup Embal Pem Nagawan-nen wene yij-o. Isarael nap inmiri yoso-nen an yak norosolar-e: ”Ap mot mot pem-et tena unpuruk worasu nagawan, lit unpuruk Mbal Pem Nagawan-nen yidnak yidnak kwaruwa nagawan iri-ge

NDAWI ENGGA 32:6

Iri bem-e indi angin tubu yidnak nap enpem nde indi kabak tak poso mende mbosola-ge, tepan-et yurag-o. Iri yogola-ge, indi kabak tak onposo mende kwiye worak enpem mbuwa-t nde, iri-nen urugwe nggwe rak unpuwa bug-o.

NDAWI ENGGA 95:1

Nagawan Indo ebem ndawi wanuwog-o! Nenalen pem nit Ninmiri Yoso Nap erembel wanogolat ndawi yuwog-o!

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

LUKAS 6:47

An neram lobok luk, an-nen yidnak wene kuluruk, kulidnak na ndak ndak kwatli nab-e ’Iri kwaroso nab-e yu nggal-o’ luk yak kendeyeg-o.

LUKAS 6:49

Alat nde, an-nen yidnak wene kulurug-et nde, iri na ndak-ndak kwarusu buk nab-e, o wirid nap mbi nggal-nen yusu-o. Ap iri-nen o worosolar-e, o mabin pigit lak, we nggweyak pem wiridnak me, yi ebe wasolar-e, o iri na wat kasolar-e, ndag-et nak tud tak pij-o. Tud tak posola-ge, mijara nari warisa labuk yij-o!” luk yij-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

TUGURUK YIDNAK WENE 32:15

Iri kwarosola-ge, Nagawan Indo ilirag-e enarengge kwarat worak woragolar-et nde, eyak wurugwi irit woraiga-o. Ir-e nunggwi mende inmbitsa nonggolat enpe-ge nggok yiga-o. Iri yogolar-e, Inmiri Yoso Nap ndak wat inpid Nagawan Indo iri na-ge keya biga-o.

TUGURUK YIDNAK WENE 32:18

Ir-e Amawi Worak Inmiri Yosoiri na-ge nano nano rak pogolat, unluk tak poso Mbal Pem Nagawan na-ge meme rak pogolat kwariga-o.

TUGURUK YIDNAK WENE 32:31

Isarael nap unuwim nap nen peragolar-e: ’Nit ninmiri yoso kugwiwag-e Isarael nap Enmbal Pem Nagawan nggal-e mondok lag-er-o’ luk enaru yili-o.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

1 SEMUEL 2:2

Nagawan Indo nggal marak mbi mondok worasu bug-o. Kurak yurak ondoro wok ondoso Mbal Pem Nagawan iri nak worasu-o.