LUKAS 6:47 - Nanduk Ngget Tul Pidnak Wene

⁴⁷ An neram lobok luk, an-nen yidnak wene kuluruk, kulidnak na ndak ndak kwatli nab-e ’Iri kwaroso nab-e yu nggal-o’ luk yak kendeyeg-o.

LUKAS 6:47 Iomraidhean Croise

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

LUKAS 11:28

Yesus-nen yosolar-e: ”Iri yigen-et nde, Mbal Pem Nagawan-nen yidnak wene na kuluruk, iri-nen yidnak yidnak kwatli nab-e enalen-e terak menna kagolat wolma-o” luk yij-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

LUKAS 6:48

Iri kwaroso nab-e o wiridnak nap misik nggal-nen yusu-o. O wereyeklug-e, nggweyak lilara mbid mbij-e o mabin-e kerep pem puruk wirij-o. Worak puruk worasoma-ge, yi ebe wasolar-e, o na wat kagaij-et nde, o iri-ge paro kerep pem pidnak me, landera mbud tak pigit lag-o.

LUKAS 8:13

Nde, kerep mborok ma mbid uwi iri na nggal-e aid wene kulurug-e, enalen min-et wanurug-et nde, wene-ge it enarem kwara uwi yak yigit lak me, marig-et nggal inndi angin tubu yidnak me, abok nggwe it inndi ngaroso mende enpem mbosola-ge, keya bili nap iri nggal-nen yusu-o.

LUKAS 8:8

Nde, uwi ereb-e nggweyak konak pem mbamu, mborosolar-e, engen-e seratus nggal irit pij-o” luk yij-o. Yurug-e, Yesus-nen yosolar-e: ”Ta-nen nde eyanggo worak ala-ge, wene yu kuluwag-o!” luk yij-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

YAKOBUS 4:17

Iri bem-e, konak kwarurak aru-t nde, kwarusu buk nab-e ambik ebem meya pusu-o.

1 PETERUS 2:4

Iri bem-e, Nagawan Indo eram lobok yer-o. At iri-ge urug-et woraso kereb-et nde, ki nap-nen ebe lak mende nggal tak puruk mbo biga-t nde, Mbal Pem Nagawan-nen-e kerep iri na onggo nggok pugwi kerep tak uburuk, len ibij-o.

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

1 YOANES 3:7

Nilirak wa-e. Ap-nen konmbol pem lujwakluk nggeyok nak yurak pug-o. Kerisut-e lud tak nak kwaroso me, ta-nen nde lud tak kwaroso-lar-e, Kerisut nggal mot mot-net yusu-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.